Lapho Ukuphila Kungabekezeleleki

USallya wase-United States, owalahlekelwa yizinto zakhe eziningi lapho kuhlasela isiphepho, uchaza indlela azizwa ngayo: “Ngangizibuza ukuthi ngizokwazi yini ukubhekana nalesi simo. Ezikhathini eziningi ngangibona sengathi kwakungaphezu kwamandla.”

Kuthiwani uma kushona umuntu omthandayo? UJanice wase-Australia uthi: “Lapho kushona amadodana ami amabili, kwaba nzima kakhulu ukuphila. Ngancenga uNkulunkulu ngathi: ‘Ngiyahluleka ukuthwala lobu buhlungu! Ngicela ungiyeke ngilale, ngingabe ngisavuka.’”

UDaniel wadumazeka kakhulu lapho ethola ukuthi umkakhe uphingile. Uyachaza: “Lapho umkami engitshela ukuthi ulale nomunye umuntu, kwaba sengathi ungigwaze enhliziyweni. Lobo buhlungu baqhubeka izinyanga eziningana.”

Le Nqabayokulinda izobonisa ukuthi kungani kufanele uqhubeke nokuphila ngisho nalapho

• Kwenzeka inhlekelele

• Kushona umuntu omthandayo

• Umuntu oshade naye ephinga

• Uphethwe yisifo esibi

• Kunzima ukuphila

Okokuqala, asihlole ukuthi yini engasiza lapho kwenzeka inhlekelele.