Imihlangano Yokusisiza Ekwenzeni Abafundi

ISONTO ELIQALA NGOJANUARY 1

INgoma 25

10 imiz: Izaziso zebandla. Futhi, qokomisa isipho sikaJanuary njengoba siphawulwe eZazisweni. Yisho amagama ezincwadi ezikhona esitokweni sebandla. Cabangela kafushane izethulo ezingasetshenziswa neSihloko Sengxoxo esisetshenziswayo.

10 imiz: “Abazali Abawenzile Umsebenzi Wabo Wasekhaya.” Inhloko yomkhaya efanelekayo ixoxa ngalesihloko esikuPhaphama! kaSeptember 8, 1988.

10 imiz: “Umthwalo Wemfanelo Wokuba Umfundi.” Inkulumo esekelwe esihlokweni seNqabayokulinda kaJanuary 1, 1989. Khuthaza bonke ukuba bahlanganyele emalungiselelweni enkonzo yasensimini angempela-sonto.

15 imiz: “Kuphaphamele Ukuhambisa Izincwadi ZeBhayibheli.” Ukucatshangelwa kwesihloko ngemibuzo nezimpendulo. Lapho nicabangela isigaba 5, hlanganisa umboniso wommemezeli ocela ukuqalisa isifundo seBhayibheli lapho umninikhaya esenayo kakade incwadi ehanjiswayo. Futhi, yiba nengxoxo emfushane nommemezeli oseye waphumelela ekuhambiseni izincwadi nasekuqaliseni izifundo.

INgoma 24 nomthandazo wokuphetha.

ISONTO ELIQALA NGOJANUARY 8

INgoma 54

5 imiz: Izaziso zebandla neZaziso ezifanelekayo ezivela kuNkonzo Yethu YoMbuso. Memezela amalungiselelo enkonzo yasensimini angempela-sonto.

25 imiz: I“Medical Document” ne“Identity Card.” UMbonisi Owengamele usewakhiphile amakhadi futhi uyicabangela ngokucophelela incwadi kaJanuary 1, 1990, ekhuluma nge“Medical Document” yabamemezeli ababhapathiziwe ne“Identity Card” yabantwana abancane abangabhapathiziwe bomzali noma babazali abangoFakazi. Xoxa nezilaleli ngokuthi kungani iziyalo kufanele zilandelwe ngokucophelela ukuze amakhadi akwazi ukuba isivikelo sethu ngokuphumelela ngokwengeziwe.

15 imiz: Ukubika Inkonzo Yasensimini. Kufanele isingathwe unobhala. Singabonisa inhlonipho ngamalungiselelo kaJehova enhlangano ngokubika inkonzo yasensimini ngokushesha ekupheleni kwenyanga ngayinye. Abamemezeli abaningi namabandla basahluleka ukubika inkonzo yabo yasensimini njalo ekupheleni kwenyanga ngayinye. Ibe yinye kuphela inyanga enkathini yamuva eyizinyanga eziyisishiyagalombili lapho iNhlangano iye yathola khona imibiko ivela kuwo wonke amabandla. Abanye badinga ukuthuthukisa imikhuba yabo yokubika. Umqhubi weSifundo Sencwadi Sebandla unendima eyinhloko. Kufanele asize bonke ukuba bahlanganyele enkonzweni yasensimini ekuqaleni kwenyanga. Abamemezeli kufanele babike inkonzo yasensimini ngomqhubi wesifundo sencwadi sebandla ngokushesha ekupheleni kwenyanga ngayinye ukuze unobhala akwazi ukuthumela imibiko eNhlanganweni kungakadluli umhla wesithupha wenyanga elandelayo. Sengathi indlela esibika ngayo inkonzo yasensimini inyanga ngayinye ingabonakalisa ukuhlonipha kwethu nokwazisa kwethu amalungiselelo enhlangano.

INgoma 63 nomthandazo wokuphetha.

ISONTO ELIQALA NGOJANUARY 15

INgoma 4

10 imiz: Izaziso zebandla. Umbiko wezimali. Hlanganisa nencwadi yokwazisa ngeminikelo evela eNhlanganweni njengoba kuboniswe esitatimendeni sikaDecember. Tusa ibandla ngokuwusekela kwalo ngezinto ezibonakalayo umsebenzi woMbuso ebandleni nasemhlabeni wonke.

20 imiz: “Ukushumayela Izindaba Ezinhle—Ngokusebenzisa Amapheshana Ngokuphumelelayo.” Imibuzo nezimpendulo. Lapho nicabangela izigaba 5 no-6, hlanganisa nemiboniso emibili ebonisa indlela ipheshana elithi (1) Ukuphila Ezweni Elisha Elinokuthula nelithi (2) Isizathu Sokuba Uthembe IBhayibheli angasetshenziswa ngayo njengengxenye yesethulo. Akudingeki ukuba unikeze yonke intshumayelo kodwa bonisa nje indlela yokuwaxhuma neSihloko Sengxoxo. Gcizelela ukubaluleka kokuthatha isinyathelo kuqala sokusebenzisa amapheshana ngawo wonke amathuba. Yazisa ngamalungiselelo ebandla enkonzo yasensimini, futhi umeme bonke ukuba bahlanganyele.

15 imiz: Inkulumo enikezwa umdala ofanelekayo esekelwe encwajaneni ethi Isikole, emakhasini 30 no-31. Khumbuza abazali ukuba bavakashele izikole futhi bazikhulumele mathupha ngokuhlakanipha nothisha-nhloko ngokuqondene nesimo esiqotho soFakazi BakaJehova ngokuqondene nesifundo sezenkolo, nasemisebenzini yangemva kwesikole, njll. Abazali kufanele bahlomisele abantwana babo izinselele abazobhekana nazo esikoleni. Yiba nomboniso omfushane, olungiselelwe kahle womzali oxoxa nothisha ngekhasi 3 lencwajana ethi Isikole. Makashiye leyoncwajana kuthisha.—Bheka INkonzo Yethu YoMbuso kaJanuary 1986, ikhasi 3, izigaba 4, 5.

INgoma 188 nomthandazo wokuphetha.

ISONTO ELIQALA NGOJANUARY 22

INgoma 171

8 imiz: Izaziso zebandla. Bukeza isimiso sebandla senkonzo yasensimini sesonto lonke. Khuthaza bonke abangaphumelela ukuba benze amalungiselelo enkonzo kulempela-sonto.

12 imiz: Kungani Kufanele Sibe Khona Njalo Emihlangaweni? Chaza kafushane izinzuzo zakho. (gZU88 6/8 kk. 20-22) Abanye banesijwayezi sokuphuthelwa imihlangano phakathi nesonto. Xoxa ngesilinganiso sebandla senani lababa khona emihlanganweni. Ukuba khona kuyo yonke imihlangano kubalulekile empilweni enhle ngokomoya. Xoxa ngesidingo sokulungiselela imihlangano nokuhlanganyela kuyo, esokuba nencwadi yakho siqu emhlanganweni, nesokuhlala ndawonye njengomkhaya. Kukufanele noma yikuphi ukuzidela esingase sikwenze ukuze siqinise ukholo lwethu njengoba sibona usuku lukaJehova lusondela.—Heb. 10:23-25.

15 imiz: “Ukuthuthukisa Impumelelo Yethu Njengezikhonzi.” Imibuzo nezimpendulo. Lapho nicabangela isigaba 4, hlanganisa nemiboniso emibili emifushane yezethulo ezisikiselwe esigabeni 5 no-6 ekhasini 16 leNqabayokulinda kaJuly 15, 1988. Lemiboniso kufanele inikezwe ngendlela eqotho neqondile.

10 imiz: Izidingo zebandla noma inkulumo esekelwe kwesithi “Lokho Okushiwo Ukuba UmKristu.” Lenkulumo kufanele isekelwe ekwazisweni okukuInsight, uMqulu 1, amakhasi 440-1. (INqabayokulinda, ka-April 15, 1983, amakhasi 28-31.) Qokomisa ukubaluleka kokulandela isibonelo sikaJesu othandweni nasekuzideleni.

INgoma 168 nomthandazo wokuphetha.

ISONTO ELIQALA NGOJANUARY 29

INgoma 135

12 imiz: Izaziso zebandla. Izindaba EzingokwaseZulwini.

13 imiz: “Indlela Yokubona AmaHholo OMbuso.” Khulumela indlela esisebenza ngayo ebandleni. Futhi xoxa nangesidingo sokugcina iHholo LoMbuso lihlanzekile futhi lisesimweni esihle. Ababonisi bezifunda babika ukuthi amanye amahholo awagcinwa esesimweni esihle. Xoxa ngokwaziswa okufanelana nebandla okusemakhasini 61 no-62 encwadi ethi Ukuhlelelwa. Tusa abazalwane ngokusekela kwabo ekuhlanzeni nasekugcineni iHholo LoMbuso.

20 imiz: “Izethulo Eziphumelelayo.” Ukucatshangelwa kwesihloko ngemibuzo nezimpendulo. Yenza umboniso ophathelene nesethulo esihlelwe esigabeni 5. Yenza futhi umboniso nangesinye sezethulo ezisencwadini ethi Ukubonisana (kk. 9-15) esiyofanelekela insimu yenu. Khuthaza abazalwane ukuba baphathe incwadi ethi Ukubonisana lapho besenkonzweni yasensimini futhi bayisebenzise ekuphenduleni imibuzo nasekunqobeni ukuphikiswa. Khuthaza bonke ukuba bahlanganyele enkonzweni yasensimini kulempela-sonto.

INgoma 108 nomthandazo wokuphetha.