Imihlangano Yenkonzo Ka-January
Isonto Eliqala Ngo-January 2
INgoma 83
5 imiz: Izaziso zebandla neZaziso eziku-Nkonzo Yethu YoMbuso ezisebenzayo ebandleni. Unobhala nabaqhubi bezifundo kufanele baqikelele ukuba kulethwe yonke imibiko yenkonzo yasensimini ebingakalethwa yangenyanga edlule. Khumbuza abamemezeli ukuba babike ngokushesha umbiko wabo wenkonzo yasensimini yango-December.
10 imiz: “Indlela Yokuhlela Umtapo Ongokwasezulwini.” Inkulumo esekelwe ku-Nqabayokulinda ka-November 1, 1994, amakhasi 28-31.
15 imiz: “Isifundo Somuntu Siqu—Indaba Yokukhathalelwa.” Imibuzo nezimpendulo. Hlanganisa nokukhulumela okukhethiwe okuthathwe ku-Nqabayokulinda ka-June 15, 1985, amakhasi 8-13.
15 imiz: “Ukuzisebenzisa Ngokunenzuzo Izincwadi Zethu.” Xoxa nezilaleli. Khuthaza ibandla ukuba lizitholele izincwadi zesipho endaweni yezincwadi ukuze lizisebenzise enkonzweni. Hlela ukuba kwenziwe umboniso owodwa noma emibili wezintshumayelo ezisikiselwe.
INgoma 188 nomthandazo wokuphetha.
Isonto Eliqala Ngo-January 9
INgoma 183
12 imiz: Izaziso zebandla. Umbiko wezimali.
18 imiz: “Ukwelusa Okwakhayo.” Inkulumo enikezwa umdala esekelwe ekwazisweni okungaphansi kwalesisihlokwana esisemakhasini 21-3 e-Nqabayokulinda ka-September 15, 1993. Qokomisa iseluleko esingokomBhalo sokusisiza ukuba sibhekane nezinkinga.
15 imiz: Ingabe Ukulungele Ukubhekana Nesimo Sezokwelapha Esivivinya Ukholo? Inkulumo eshubile kodwa eshukumisayo enikezwa umdala onekhono yokusiza abazalwane ukuba bakuqaphele ukuthi amakhadi ethu e-Medical Directive/Release ne-Identity Card awusizo oluyisivikelo kanjani. Phinda isimiso esalandelwa ngo-January odlule ukuze uqikelele ukuthi bonke abafanelekayo nabasifunayo lesisivikelo bayasithola ngokugcwalisa amakhadi. Bheka INkonzo Yethu YoMbuso ka-January 1994, ikhasi 2 ngaphansi kwesithi “Isonto Eliqala Ngo-January 17” ukuze uthole imininingwane.
INgoma 198 nomthandazo wokuphetha.
Isonto Eliqala Ngo-January 16
INgoma 182
10 imiz: Izaziso zebandla. Xoxa ngamaphuzu okukhulunyelwa akomagazini bamuva. Khuthaza bonke ukuba bahlanganyele enkonzweni yasensimini kulempelasonto.
15 imiz: Singakhathali Ukwenza Okuhle. Inkulumo enikezwa umdala. Ukukhathala ngokomoya kunganciphisa injabulo yethu nentshiseko enkonzweni kaJehova. Bukeza ezinye izindlela zokuvuselela amandla ethu angokomoya usebenzisa ukusikisela okwanikezwa ku-Nqabayokulinda ka-January 15, 1986, ikhasi 19 (ibhokisi). Gcizelela ukusekela imisebenzi yebandla ngenhliziyo yonke.
20 imiz: Hlomisela Izingane Zakho Isikole. Inkulumo nezingxoxo nabathile kanye nemiboniso. Intsha engamaKristu namuhla ibhekana nezinkinga abaningi ebandleni abangenakuzicabanga. Ikakhulukazi abazali kufanele bazazi kahle lezizinselele ukuze bahlomise izingane zabo zikwazi ukubhekana nokuvivinywa kobuqotho. Xoxa nabantu abasha abathathu abaneminyaka engafani. Yikuphi okunye ukucindezeleka okusesikoleni okufanele babhekane nakho nsuku zonke? Yini ebasizayo ukuba balondoloze ubuhlobo obuhle noJehova? Hlela ukuba kube nomboniso womkhaya ucabangela ndawonye izigaba 2, no-3 ekhasini 11 lencwajana ethi ISikole. Izingane zembula ukuthi ziyahlekwa futhi zikhishwe inyumbazane ngenxa yokuphila ngezindinganiso zeBhayibheli eziphakeme zokuziphatha. Inhloko yomkhaya ikhuthaza izingane zayo ngokuzitshela indlela ejabula ngayo ngesibonelo sazo futhi izikhumbuza ukuthi uJehova uyajabula kakhulu ngokuziphatha kwazo. (IzAga 27:11) Umzalwane osingethe lengxenye uphetha ngokutusa intsha esebandleni ngemisebenzi yayo emihle nokuyikhuthaza ukuba ixoxe nabazali bayo ukuze ithole amandla azoyiqinisa ngokomoya esikoleni kuwo wonke unyaka. Khumbuza abazali ukuba bathole imvume yokungafakwa kwezingane zabo ezifundweni zezenkolo.
INgoma 196 nomthandazo wokuphetha.
Isonto Eliqala Ngo-January 23
INgoma 161
5 imiz: Izaziso zebandla.
15 imiz: “Bonisa Ukuthi Uyabakhathalela Ngokuphindela Kubo.” Abamemezeli abathathu noma abane baxoxa ngenjongo kanye nokubaluleka kokwenza izimpindelo. Bagcizelela umgomo wokuqala izifundo. Babukeza izintshumayelo ezisikiselwe. Hlela ukuba kube nomboniso owodwa noma emibili, bese leliqembu ebelixoxa lituse futhi linikeze nokusikisela kokuthuthukisa.
10 imiz: Izidingo zebandla. Noma unikeze inkulumo ngesihloko esithi “Ingabe Ukubekelwa Imingcele Kuyakudumaza?” esiku-Nqabayokulinda ka-September 1, 1994, amakhasi 27-8.
15 imiz: “Bonisa Ukubacabangela Abanye—Ingxenye 1.” Imibuzo nezimpendulo. Hlanganisa nezikhumbuzo ezimayelana nesidingo sokuba abadala basebenze ngokubambisana ekuqikeleleni ukuthi uphahla, amapayipi, izindawo zokungenisa umoya, isimiso sokushisisa, ugesi, kanye namalungiselelo okulondeka kwaseHholo LoMbuso kugcinwa kusesimweni esihle.—Bheka INkonzo Yethu YoMbuso ka-March 1987, ikhasi 5.
INgoma 116 nomthandazo wokuphetha.
Isonto Eliqala Ngo-January 30
INgoma 141
10 imiz: Izaziso zebandla. Khumbuza abamemezeli ukuba bawufake ngokushesha umbiko wabo wenkonzo yasensimini wango-January.
17 imiz: “Ngaso Sonke Isikhathi Yibani Nokuningi Enikwenzayo.” Imibuzo nezimpendulo. Hlela ukuxoxa kafushane nabantu ababili noma abathathu abamatasa, njengomdala, umama wekhaya, noma iphayona; bacele bachaze ukuthi bakwazi kanjani ukuba nesimiso esimatasa kangaka kodwa bahlale benenjabulo.
18 imiz: Ngo-February Hambisa Incwadi Ethi Ungaphila Phakade. Chaza ukuthi kungani kunesidingo sokuba abantu bathole ukwaziswa okuqukethwe yilencwadi. (Bheka INqabayokulinda ka-April 1, 1988, amakhasi 25-6, izigaba 17, 18.) Nikeza ukusikisela okuthile okubonisa indlela esingaqala ngayo isifundo seBhayibheli nabantu abathakazelayo esabahambisela incwadi ethi Ungaphila Phakade. Ummemezeli onekhono kafushane wenza umboniso wentshumayelo engaphansi kwesihloko esithi “Ukuphila/Injabulo” esisencwadini ethi Ukubonisana, ikhasi 12.
INgoma 199 nomthandazo wokuphetha.