IMihlangano Yenkonzo Ka-March
Isonto Eliqala Ngo-March 2
INgoma 3
8 imiz: Izaziso zebandla. IZaziso ezikuyi-Nkonzo Yethu YoMbuso ezisebenzayo ebandleni. Khumbuza abamemezeli ukuba babike inkonzo yabo yasensimini yango-February ngokushesha.
15 imiz: “Qhubekani Nikwenza Lokhu Ningikhumbula.” Inkulumo enikezwa umdala. Khulumela kafushane incwadi Ukuhlelelwa, amakhasi 80-1, ugcizelela ukubaluleka kokuba khona eSikhumbuzweni.
22 imiz: “Gxilisa Ithemba Lokuphila Okumi Phakade Kwabanye.” Xoxa ngalesi sihloko nezilaleli. Chaza kafushane indlela imibuzo engase isetshenziswe ngayo ngokuphumelelayo ekuqhubekiseleni phambili ingxoxo. Nikeza izibonelo zemibuzo eholayo nefuna umbono engase isetshenziswe entshumayelweni. (Bheka Incwadi Yokuchasisa Isikole, amakhasi 51-2, izigaba 10-12.) Cela ummemezeli onekhono ukuba enze umboniso wentshumayelo eyodwa yokuhambela kokuqala kanye nowalapho sekuphindelwa, ubonise ukuqalwa kwesifundo seBhayibheli.
INgoma 88 nomthandazo wokuphetha.
Isonto Eliqala Ngo-March 9
INgoma 60
8 imiz: Izaziso zebandla. Umbiko wezimali.
15 imiz: IBhokisi Lemibuzo. Imibuzo nezimpendulo. Umdala ubukeza ukwaziswa okusencwadini Ukuhlelelwa, ikhasi 130, isigaba 3 kuya ku-131, isigaba 1.
22 imiz: “Ingabe Singaphinda Sikwenze?” (Izigaba 1-11) Imibuzo nezimpendulo. Landisa ngamaphuzu avelele omkhankaso wangonyaka odlule wobuphayona obusizayo, njengoba ebikwe e-Ncwadini Yonyaka Ka-1998, uma seninayo. Yisho inani labáthatha ubuphayona obusizayo ebandleni phakathi naleso sikhathi. Xoxa ngezinzuzo zomuntu siqu esizithola ngokuphayona, futhi ubonise indlela lo mzamo owengeziwe osiza ngayo ekuthuthukeni kwebandla. Yisho amalungiselelo enkonzo ango-April nango-May enziwe ibandla okusiza abengeziwe ukuba baphayone. Abamemezeli bangazitholela amafomu ezicelo ngemva komhlangano.
INgoma 195 nomthandazo wokuphetha.
Isonto Eliqala Ngo-March 16
INgoma 43
8 imiz: Izaziso zebandla. Mema bonke abathakazelayo ukuba babe khona enkulumweni yeningi ekhethekile ngo-March 29. Le nkulumo inesihloko esithi “Isizathu Sokuba Wethembe IBhayibheli.”
15 imiz: Izidingo zebandla.
22 imiz: “Ingabe Singaphinda Sikwenze?” (Izigaba 12-19) Imibuzo nezimpendulo. Bukeza lokho okudingekayo ukuze umuntu afaneleke, okusencwadini Ukuhlelelwa, amakhasi 113-14. Chaza indlela ubuphayona obusizayo obumlungiselela ngayo umuntu inkonzo yobuphayona obuvamile. Cela abathile ababengamaphayona asizayo ngonyaka odlule ukuba basho indlela abahlela ngayo isimiso sabo ukuze bahlangabezane nesidingo samahora angu-60. Isiphi isimiso esiyisibonelo ekhasini lokugcina lesenezelo esavumelana kangcono nezimo zabo? Uma isikhathi sivuma, landisa okuhlangenwe nakho okuse-Ncwadini Yonyaka (yesiNgisi) ka-1987, amakhasi 48-9, 245-6. Khuthaza abamemezeli ukuba bazitholele amafomu ezicelo ngemva komhlangano.
INgoma 224 nomthandazo wokuphetha.
Isonto Eliqala Ngo-March 23
INgoma 94
10 imiz: Izaziso zebandla. Bakhuthaze bonke ukuba baqale ukumemela abathakazelayo eSikhumbuzweni, ngo-April 11. Babonise isimemo, bese ubanxusa bonke ukuba bazitholele ezabo izimemo bese beqala ukuzisakaza kuleli sonto. Memezela amagama abo bonke abazoba ngamaphayona asizayo ngo-April. Chaza ukuthi akukephuzi kakhulu ukuba bafake isicelo. Sisho sonke isimiso semihlangano yenkonzo ehlelelwe inyanga ka-April.
20 imiz: Lungiselela Abasanda Kuhlanganyela Inkonzo Yasensimini. Inkulumo nengxoxo ehlanganyelwa nezilaleli. Labo abaqhuba isifundo ngencwadi Ulwazi kufanele bacabangele ukulungiselela abantu abafunda nabo ukuba bahlanganyele enkonzweni yasensimini. Phawula lokho okushiwo encwadini Ulwazi, emakhasini 105-6, isigaba 14, nasekhasini 179, isigaba 20. Bukeza inqubo elandelwayo ukuze abasanda kuhlanganyela babe abamemezeli abangabhapathiziwe ekuyi-Nqabayokulinda ka-November 15, 1988, amakhasi 16-17, izigaba 7-10. Cabangela ukusikisela okusesenezelweni se-Nkonzo Yethu YoMbuso ka-June 1996, isigaba 19, kokusiza abasanda kuba abamemezeli abangabhapathiziwe ukuba baqale enkonzweni.
15 imiz: Zuza Ngokugcwele E-Ncwadini Yonyaka Ka-1998. Ubaba ubukeza amakhasi 3-6, 31 nomkhaya wakhe, anezinto ezingokwasezulwini ezifinyelelwe emhlabeni wonke ngonyaka odlule. Cabangela izinzuzo ezijatshulelwa umkhaya ngokufunda nangokuxoxa ngetekisi losuku nezingxenye ezithile ze-Ncwadi Yonyaka ngesikhathi sokudla futhi uzimisele ukwenza kanjalo unyaka wonke. Uma INcwadi Yonyaka Ka-1998 ingakafiki, xoxa ngezidingo zebandla.
INgoma 47 nomthandazo wokuphetha.
Isonto Eliqala Ngo-March 30
INgoma 29
12 imiz: Izaziso zebandla. Bakhumbuze bonke ukuba bafake imibiko yabo yenkonzo yasensimini yango-March. Babonise omagazini bamuva, usikisele ukuthi iziphi izihloko ongaziqokomisa lapho ubahambisa, bese usho amaphuzu athile angase akhulunyelwe. Bukeza esithi “Izikhumbuzo ZeSikhumbuzo,” bese usho amalungiselelo ebandla eSikhumbuzo. Kufanele bonke benze amalungiselelo okugcina okusiza abafunda nabo iBhayibheli nabanye abathakazelayo ukuba babe khona. Bakhumbuze bonke ukuba baqikelele ukuba balandele ukufundwa kweBhayibheli kweSikhumbuzo okuhlelelwe u-April 6-11, njengoba kuvezwe encwajaneni ethi Ukuhlola ImiBhalo Nsuku Zonke.
13 imiz: “Zingane—Nisenza Sijabule!” Imibuzo nezimpendulo. Landisa okuhlangenwe nakho okukuyi-Nqabayokulinda ka-August 1, 1987, ikhasi 25.
20 imiz: Izindlela Zokulwa Nokukhathala Okungokomoya. Abadala ababili baxoxa ngebhokisi elikuyi-Nqabayokulinda ka-January 15, 1986, ikhasi 19. ‘Ophawini’ ngalunye ‘Lokukhathala,’ chaza ngokomBhalo indlela umuntu angazuza ngayo ‘Osizweni Lokubekezela’ oluhambisana nalo. Yibe usuxoxa nabamemezeli ababili, basho indlela ukusebenzisa la maphuzu okwabasiza ngayo ukuba bahlale beqinile ngokomoya.
INgoma 140 nomthandazo wokuphetha.