Uma Kuvula Ingane Emnyango

Uma kuvula ingane emnyango, kufanele sicele ukukhuluma nabazali bayo. Lokhu kubonisa ukuthi siyalihlonipha igunya labo. (IzA 6:20) Uma ingane isingenisa, kufanele senqabe. Uma abazali bayo bengekho, kufanele sibuye ngesinye isikhathi.

Uma ingane isindadlana, mhlawumbe isidlule kakhulu eminyakeni engu-12, nalapho siyobe senza kahle uma sicela ukukhuluma nabazali bayo. Uma abazali bengekho, singase siyibuze ukuthi bayayivumela yini ukuba ifunde noma yini eyithandayo. Uma beyivumela, singayinika okufundwayo mhlawumbe siyitshele nangengosi yethu ethi jw.org/zu.

Lapho sibuyela kosemusha oye wakujabulela ukuxoxa nathi, kufanele sicele ukubonana nabazali bakhe. Lokhu kuyosenza sikwazi ukuchaza isizathu sokubavakashela nokubabonisa izeluleko esingazethemba ezitholakala eBhayibhelini mayelana nemindeni. (IHu 119:86, 138) Ukubonisa inhlonipho nokubacabangela abazali kuyonikeza ubufakazi obuhle futhi kungase kusinike namanye amathuba okuxoxa nomndeni ngezindaba ezinhle.—1Pet 2:12.