“Isipho SikaJehova”

Singaya kanjani namuhla phambi kukaJehova siphethe isipho sakhe? (1Kro 29:5, 9, 14) Ngezansi kunezindlela ezahlukahlukene esingazisebenzisa lapho sinikela ngokuzithandela ukuze sisekele umsebenzi woFakazi BakaJehova, kokubili ezindaweni zangakithi nasemhlabeni wonke.

IMINIKELO EYENZIWA KUYI-INTERNET NOMA EFAKWA EMABHOKISINI OMNIKELO ISEKELA:

• 

  UMSEBENZI WOMHLABA WONKE

  ukwakhiwa nezindleko zansuku zonke zokusebenza kwezakhiwo zegatsha namahhovisi okuhumusha

  izikole eziqeqeshela inkonzo

  izikhonzi ezisenkonzweni ekhethekile yesikhathi esigcwele

  ukusiza lapho kunezinhlekelele

  ukunyathelisa, ukwenziwa kwamavidiyo nokufaka izincwadi emishinini yezobuchwepheshe

• 

  IZINDLEKO ZEBANDLA

  izindleko zebandla ezihlanganisa izinto ezisetshenziswa ehholo nokunakekela iHholo LoMbuso

  noma iziphi izinqumo ezenziwe yibandla zokuthumela iminikelo ehhovisi legatsha ukuze:

  • kwakhiwe amaHholo OMbuso namaHholo Omhlangano emhlabeni wonke

  • kunikelwe Esikhwameni Somshwalense Somhlaba Wonke

  • kunikelelwe neminye imisebenzi yomhlaba wonke

IMIHLANGANO YESIFUNDA NEYESIGODI

Iminikelo etholakale emhlanganweni wenu wesifunda ithunyelwa emsebenzini womhlaba wonke. Kube sekusetshenziswa le mali yomsebenzi womhlaba wonke ukuze kukhokhelwe izindleko eziphathelene nemihlangano yesifunda, ekhethekile neyezizwe.

Iminikelo etholakale emihlanganweni yesigodi isetshenziselwa ukuqasha izindawo zomhlangano, ukukhokhela ezinye izindleko zomhlangano, ukunakekelwa kwamahholo omhlangano nezinye izindleko ezihlobene nesigodi. Isigodi singanquma ukunikela ngemali esele emsebenzini womhlaba wonke woFakazi BakaJehova.