Ulwandle Olubulawa Ukoma

ULWANDLE lwaseAral eSoviet Union luyichibi lamanzi elimaphakathi nezwe elingelesine ngobukhulu emhlabeni. Kodwa luncipha ngokushesha kangangokuthi ngezinga lamanje oluncipha ngalo, luyobe selome ngokuphelele ekuqaleni kwekhulu elilandelayo.

Ngokukamagazini iSouth, cishe ingxenye yendawo eyayimbozwe ichibi kuqala isishintshe yaba ugwadule oluwusawoti. “Amanzi asele eAral esinciphile aye aba nosawoti kangangokuthi izinhlobo ezingu-20 kwezingu-24 zezinhlanzi ezazihlala khona ziye zanyamalala,” kuphawula lomagazini.

Esikhathini esidlule imifula emikhulu iAmu Darya neSyr Darya yayithela amanzi angaphezu kwangu-​50 cubic kilometers olwandle lwaseAral unyaka ngamunye. Kodwa manje lenala yamanzi isinciphe yaba iconsi nje. Kungani? Ngokukamagazini iSouth, lemifula isetshenziselwa ukunisela amasimu anda njalo kakotini nawerayisi kulesifunda.

Uhulumeni waseSoviet manje usumise uhlelo lokuphephisa ulwandle lwaseAral ezidladleni zogwadule. Ngokwenza izimiso zokunisela ngendlela yesimanje nokunciphisa izindawo ezikhethelwe ukutshala ukotini nerayisi, loluhlelo luhlose ukonga amanzi angu-⁠9 cubic kilometers ngonyaka, futhi kuthenjwa ukuthi lawa angandiswa abe ngu-​30 cubic kilometers ekuqaleni kwekhulu elilandelayo. Nakuba lokhu kungeke kulibuyisele lelichibi esilinganisweni salo sakuqala, kuthenjwa ukuthi kuyovimbela ukuncipha okuqhubekayo. Umagazini iSouth uphawula ukuthi abaningi besaba ukuthi loluhlelo lungesinye sezibonelo zokwenza “okuncane kakhulu, sekwephuze kakhulu.”

[Amabalazwe ekhasini 31]

(Ukuze ubone ukuthi indaba ihlelwe kanjani, bheka encwadini)

Ulwandle lwaseAral

1960

1989

2000?

ISyr Darya

IAmu Darya

[Ibalazwe]

U.S.S.R.

Indawo eyandisiwe