IJerusalema Nethempeli LikaSolomoni

LALIBIZWA ngokuthi “ukuphelela kobuhle” nangokuthi “umuzi weNkosi Enkulu.” (IHu 48:2; 50:2; IsiL 2:15) IJerusalema laliyinhloko-dolobha yesizwe sikaNkulunkulu. (IHu 76:2) Ngemva kokuba uDavide ewaphucile amaJebusi lo muzi futhi wawenza inhloko-dolobha yakhe, wabizwa ngokuthi “uMuzi KaDavide,” noma “iZiyoni.”—2Sam 5:7.

Nakuba iJerusalema lalingekho endaweni ekahle, lathola udumo ngoba uNkulunkulu wabeka igama lakhe kulo. (Dut 26:2) Laliyiziko lenkolo yesizwe futhi liyikomkhulu lesizwe.

IJerusalema lisendaweni ephakeme ngamamitha angu-750 uma usuka olwandle futhi lisezintabeni ezimaphakathi neJudiya. IBhayibheli likhuluma “ngokuphakama” kwalo nangokuthi abakhulekeli ‘bakhuphukela’ kulo. (IHu 48:2; 122:3, 4) Lo muzi wasendulo wawuzungezwe izigodi: iSigodi SikaHinomu entshonalanga naseningizimu nesigodi sesifufula saseKidroni empumalanga. (2Kho 23:10; Jer 31:40) Umthombo wamanzi waseGihonia eSigodini SaseKidroni ne-Eni-rogeli eningizimu kwakunikeza abantu amanzi ahlanzekile, ayedingeka impela nje ikakhulu ngesikhathi sokuhlasela kwezitha.—2Sam 17:17.

Emdwebweni osekhasini 21, uMuzi KaDavide udwetshwe ngombala obomvu. Ngesikhathi kubusa uDavide noSolomoni, lo muzi wanwetshelwa ngasenyakatho wahlanganisa ne-Ofeli (enombala oluhlaza okotshani) neNtaba iMoriya (enombala oluhlaza okwesibhakabhaka). (2Sam 5:7-9; 24:16-25) USolomoni wakhela uJehova ithempeli elihle kuleyo ntaba ephakeme. Zibone ngeso lengqondo izixuku zabakhulekeli zikhuphukela ‘entabeni kaJehova’ ngemikhosi yaminyaka yonke! (Zak 8:3) Imigwaqo eboniswe ekhasini 17 yayenza lube lula lolo hambo.

Ithempeli likaSolomoni, elalihlotshiswe ngegolide namatshe ayigugu, lalingesinye sezakhiwo ezibiza kunazo zonke ezake zakhiwa. Okuphawulekayo ukuthi ipulani yalo yayenziwe uJehova. Njengoba ubona kulo mdwebo, ithempeli lalizungezwe amagceke amakhulu nezakhiwo zokuqondisa. Uyobe awudlali ngesikhathi uma utadisha imininingwane yalo.—1Kho 6:1–7:51; 1Kro 28:11-19; Heb 9:23, 24.

[Umbhalo waphansi]

[Ibhokisi ekhasini 21]

Ngokuhamba kwesikhathi, iJerusalema lanwebekela entshonalanga nasenyakatho. Amakhosi aseJudiya abusa ngemva kukaSolomoni anezela izindonga namasango. Ukucwaninga ngemivubukulo okusaqhubeka kungase kucacise ukuthi izingxenye ezithile zezindonga zazikuphi ngempela nokuthi zazingakanani. Lo muzi wachithwa ngo-607 B.C.E. futhi wahlala unjalo iminyaka engu-70. Ngemva kweminyaka engaba ngu-80 amaJuda ebuyile, uNehemiya waqala umsebenzi omkhulu wokwakha kabusha izindonga zeJerusalema.

[Umdwebo/Nesithombe ekhasini 21]

(Ukuze ubone ukuthi indaba ihlelwe kanjani, bheka encwadini)

IJerusalema/Ithempeli LikaSolomoni

ITHEMPELI NGESIKHATHI SIKASOLOMONI

Izindawo Zethempeli

1. INgcwelengcwele

2. INgcwele

3. Umpheme

4. UBhowazi

5. UJakini

6. I-altare Lethusi

7. ULwandle Olubunjiwe

8. Amakalishi

9. Amagumbi Aseceleni

10. Izindlu Zokudlela

11. Igceke Elingaphakathi

INDAWO YETHEMPELI

INt. IMoriya

Izindlu Zokudlela

Amakalishi

Amagumbi Aseceleni

INgcwelengcwele UBhowazi

INgcwele Umpheme I-altare Igceke

UJakini Lethusi Elingaphakathi

Amakalishi ULwandle

Olubunjiwe

I-Ofeli

Esigcawini?

ISango Lamanzi?

UMUZI KADAVIDE

INt. IZiyoni

Isigodlo SikaDavide

ISango Lesiphethu

UDonga LukaManase?

UMbhoshongo KaHananeli

UMbhoshongo WeMeya

ISango Lezimvu

ISango Labaqaphi

ISango Lokuhlola

ISango Lamahhashi

ISIGODI SASEKIDRONI

UDonga Lwangezansi?

IGihoni

Umhubhe wamanzi wakamuva

ISIGODI SASETYROPOEON

ISango Leziduli Zomlotha (Izindengezi) (Umswani)

I-Eni-rogeli

ISango Lesigodi

ISIGODI SIKAHINOMU

ISango Legumbi

UMbhoshongo Wohhavini Bokubhaka

UDonga Olubanzi

ISango Lika-Efrayimi

ESigcawini

ISango Lomuzi Omdala

Udonga Lokuqala LwaseNyakatho

INGXENYE YESIBILI

ISango Lezinhlanzi

[Isithombe]

I-Ofeli

INdlu Yendodakazi KaFaro

Isigodlo SikaSolomoni

INdlu Yehlathi LaseLebhanoni

UMpheme Wezinsika

UMpheme Wesihlalo Sobukhosi

INt. IMoriya

IGceke Elikhulu

IThempeli

[Isithombe ekhasini 20]

Endaweni engaphambili yilapho “uMuzi KaDavide” wawakhiwe khona. Ithempeli lalisendaweni eqondile (ngemuva)

[Isithombe ekhasini 20]

Umfanekiso owenziwe nge-computer obonisa “uMmuzi KaDavide” wasendulo nethempeli likaSolomoni