Lithini Ibhayibheli?

Iyini i-Armagedoni?

Abanye bakholelwa ukuthi . . .

iwukubhujiswa komhlaba ngezikhali zenuzi, noma ukubhujiswa komhlaba okubangelwa ukulimala kwemvelo. Wena ucabangani?

Okushiwo iBhayibheli

I-Armagedoni igama lendawo emelela ‘impi yosuku olukhulu lukaNkulunkulu uMninimandla onke,’ azoqeda ngayo ububi.​—IsAmbulo 16:14, 16.

Yini enye esingayifunda eBhayibhelini?

• Impi ye-Armagedoni akuyona impi yokubhubhisa umhlaba, kodwa iyimpi yokuvimbela abantu ukuba bangawubhubhisi. ​—IsAmbulo 11:18.

• Impi ye-Armagedoni izoqeda zonke izimpi.​—IHubo 46:8, 9.

Singakwazi yini ukusinda empini ye-Armagedoni?

Ubungathini?

• Yebo

• Cha

• Mhlawumbe

Okushiwo iBhayibheli

‘Kunesixuku esikhulu’ sabantu abavela kuzo zonke izizwe abayosinda “osizini olukhulu,” okuyothi ekupheleni kwalo kube nempi ye-Armagedoni.​—IsAmbulo 7:9, 14.

Yini enye esingayifunda eBhayibhelini?

• UNkulunkulu ufuna kusinde abantu abaningi kakhulu empini ye-Armagedoni. Abantu ababi ubabhubhisa kuphela uma bengaphenduki.​—Hezekeli 18:32.

• IBhayibheli liyachaza ukuthi singasinda kanjani empini ye-Armagedoni.​—Zefaniya 2:3.