Umbuso Kankulunkulu—Uyini?
Abantu abaningi bathandazela ukuba uMbuso kaNkulunkulu uze, kodwa wake wazibuza yini ukuthi uyini uMbuso kaNkulunkulu nokuthi uyokwenzani?
CABANGELA LOKHO OKUSHIWO IBHAYIBHELI:
Uyini uMbuso kaNkulunkulu?
Unguhulumeni wasezulwini obuswa uJesu Kristu njengeNkosi.—Isaya 9:6, 7; Mathewu 5:3; Luka 1:31-33.
UMbuso kaNkulunkulu uyokwenzani?
Uzoqeda zonke izinto ezimbi futhi ulethe ukuthula okuhlala njalo kubantu emhlabeni.—Daniyeli 2:44; Mathewu 6:10.
Kusho ukuthini ukufuna uMbuso kuqala?
Kusho ukusekela uMbuso kaNkulunkulu nokuwethemba ukuthi yiwo kuphela ozokwenza izimo emhlabeni zibe yilokho uNkulunkulu afuna zibe yikho.—Mathewu 6:33; 13:44.