Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ku-December

“Ngicabanga ukuthi uzovuma ukuthi wonke umuntu uyamdinga umngane. Iyiphi imfanelo oyazisa kakhulu kumngane? [Lindela impendulo.] Phawula ukuthi kuthiwani lapha ngesidingo sokukhetha abangane ngokucophelela.” Nikeza umninikhaya ikhophi ye-Nqabayokulinda ka-December 1 bese nifunda futhi nixoxe ngendaba engaphansi kwesihlokwana sokuqala ekhasini 16. Funda okungenani umBhalo owodwa. Mnike umagazini bese uhlela ukubuya nizoxoxa ngempendulo yombuzo olandelayo.

INqabayokulinda December 1

“Ingabe wake wazibuza ukuthi kungani kunezinhlekelele zemvelo eziningi kangaka muva nje? [Lindela impendulo.] Kuyathakazelisa ukuthi iBhayibheli labikezela isikhathi esasiyoba nezinhlekelele. [Funda uMathewu 24:7, 8.] Lo magazini uphendula le mibuzo: Kungani kunezinhlekelele eziningi kangaka namuhla? Ingabe ziyisijeziso esivela kuNkulunkulu? Iziphi izizathu ezikhona zokukholelwa ukuthi uNkulunkulu uzoziqeda maduzane izinhlekelele zemvelo?”

Phaphama! December

Funda eyesi-2 Thimothewu 3:16, bese uthi: “Abanye bayavuma ukuthi iBhayibheli laphefumulelwa uNkulunkulu kanti abanye bayaphika. Wena ucabangani? [Lindela impendulo.] Nakuba kunemibono ehlukene ngalo mbuzo, abaningi bayavuma ukuthi ayikho enye incwadi eye yabhekana nemizamo eminingi kangaka yokuyiqothula. Lo magazini uchaza eminye yemizamo yokuqothula iBhayibheli nokuvimba ukuba lingafundwa amakhulu eminyaka. Uyachaza nokuthi kungani liye lasinda.”