Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ku-May

“Ucabanga ukuthi inkolo iyimbangela yothando nokuthula noma iyimbangela yenzondo nobudlova? [Lindela impendulo.] Ake ngikubonise okuthile okuthakazelisayo ngale ndaba.” Nika umninikhaya INqabayokulinda ka-May 1, bese nixoxa ngendaba esesihlokwaneni sokuqala ekhasini 16 kanye nomBhalo owodwa. Hambisa umagazini bese uhlela ukubuya nizoxoxa ngombuzo olandelayo.

INqabayokulinda May 1

“Abaningi bakholelwa ukuthi kuhle ukuba inkolo ihileleke kwezombangazwe kanti abanye banomuzwa wokuthi inkolo nezombangazwe akufanele kuhlangane. Wena ucabangani? [Lindela impendulo.] Phawula ukuthi uJesu wasabela kanjani lapho abantu befuna ahileleke kwezombangazwe zosuku lwakhe. [Funda uJohane 6:15.] Lo magazini uyachaza ukuthi kungani uJesu asabela ngendlela asabela ngayo futhi uchaze nendlela engcono amaKristu angasiza ngayo umphakathi aphila nawo.”

Phaphama! May

“Cishe wonke umuntu esikhuluma naye wake waphathwa ngendlela engenabulungisa ngesinye isikhathi. Ucabanga ukuthi sikhona isisombululo sokungabi nabulungisa? [Lindela impendulo.] Qaphela lesi siprofetho esimayelana nombusi ozoqeda ukungabi nabulungisa. [Funda IHubo 72:11-14.] Lo magazini ukhuluma ngezithembiso zeBhayibheli mayelana nekusasa elinobulungisa ngokwengeziwe.”