Basize ‘Basimamiswe Okholweni’

Kuyathokozisa kakhulu ukubona indlela uJehova abusisa ngayo ukuqoqwa kwabantu, njengoba kubhapathizwa abantu abangaphezu kuka-250 000 ngonyaka. (Dut. 28:2) Lapho ummemezeli esesize umfundi ukuba abhapathizwe, angase athambekele ekuyekeni ukumfundela, agxile ekusizeni abanye. Umfundi naye angase athambekele ekuyekeni ukufunda ukuze achithe isikhathi esengeziwe enkonzweni. Nokho, kubalulekile ngabantu abafundelwayo ukuba babe nesisekelo esihle eqinisweni. Kudingeka ‘bagxile’ kuKristu futhi ‘basimamiswe okholweni.’ (Kol. 2:6, 7; 2 Thim. 3:12) Ngakho-ke, ngemva kokuba esimfundelayo esebhapathiziwe, kufanele aqhubeke nesifundo sakhe seBhayibheli aze aqede zombili izincwadi, ethi Okufundiswa IBhayibheli nethi “Othandweni LukaNkulunkulu.”—Bheka INkonzo Yethu YoMbuso ka-April 2011, ikhasi 2.