Zokuqala Izifundo ZeBhayibheli NgoMgqibelo Wokuqala Ku-May

“Sinivakashele kafushane ukuze sizoxoxa ngalo mbuzo. [Mbonise umbuzo wokuqala ongemuva kwe-Nqabayokulinda ka-May 1.] Wena ucabangani?” Lindela impendulo. Xoxani ngendaba engaphansi kombuzo bese nifunda okungenani umBhalo owodwa kwekhonjiwe. Mhambisele omagazini, bese uhlela ukubuya nizoxoxa ngombuzo olandelayo.

INqabayokulinda May 1

“Sinivakashele kafushane ngoba abantu abaningi bafuna ukwazi ukuthi ikusasa libaphatheleni. Uzizwa kanjani uma ucabanga ngekusasa? Unalo ithemba ngalo noma ukhathazekile? [Lindela impendulo. Yibe usufunda omunye wemiBhalo esebhokisini elithi “Lokho UNkulunkulu Akwembulile Ngekusasa.”] Lo magazini uchaza ezinye zezinto uNkulunkulu athi zizokwenzeka, uchaze nokuthi kungani singaqiniseka ngokuthi zizofezeka.”

Phaphama! May

“Sivakashela abantu kafushane ukuze sibasize babhekane nokucindezeleka. Ucabanga ukuthi abantu bacindezeleka kakhulu namuhla kunangesikhathi esidlule? [Lindela impendulo.] Abaningi bathole ukuthi ukusebenzisa iseluleko esiwusizo esitholakala eBhayibhelini kubasiza bakwazi ukubhekana nokucindezeleka. Nasi isibonelo. [Funda uMathewu 6:34.] Lo magazini uchaza indlela izimiso zeBhayibheli ezingasisiza ngayo sibhekane nezimbangela ezine ezivamile zokucindezeleka.”

Phawula: Osomabhizinisi bangase bawujabulele ngokukhethekile lo magazini.