Izintshumayelo Ezisikiselwe
Singazitholaphi Izimpendulo Zemibuzo Ebalulekile Ekuphileni?
Nikeza umninikhaya ipheshana ukuze abone isihloko bese uthi: “Sawubona. Sisemkhankasweni womhlaba wonke wokusakaza lo myalezo obalulekile. Nansi ikhophi yakho.”
Uma nishiya ipheshana emizini engenabantu, libekeni endaweni esithekile futhi nigweme ukuligoqa ngokungadingekile.
Uma umninikhaya ebonisa isithakazelo noma enesifiso sokuxoxa, ungacela umbono wakhe ngombuzo olandelwa izimpendulo ezintathu osekhasini lokuqala. Vula ipheshana bese umbonisa lokho okushiwo iHubo 119:144, 160. Chaza ukuthi leli pheshana liqukethe ukwaziswa ngengosi engamsiza athole izimpendulo ezanelisayo eBhayibhelini. Mhlawumbe ungambonisa isibonelo salokhu ngokudlala i-video ethi Kungani Kufanele Utadishe IBhayibheli? Ngaphambi kokuba uhambe, mbonise imibuzo emithathu esekhasini elingemuva lepheshana bese umbuza ukuthi yimuphi umbuzo omkhathaza kakhulu. Cela ukubuya ukuze umbonise ukuthi angayithola kanjani impendulo yeBhayibheli ku-jw.org. Lapho ubuya, xoxani ngempendulo ngokubheka ngaphansi kwesihloko esithi IZIMFUNDISO ZEBHAYIBHELI > IZIMPENDULO ZEMIBUZO YEBHAYIBHELI.
Uma nizobe nihambisa nezimemo zomhlangano wesifunda, zihambiseni kanye nepheshana bese nithi: “Nasi nesimemo somhlangano womphakathi ozayo.”
INqabayokulinda August 1
Ngezimpelasonto, lapho kufaneleka, nakhu ongakusho lapho uhambisa INqabayokulinda: “Singathanda nokukunika omagazini bethu bakamuva. Le Nqabayokulinda iphendula umbuzo othi, Ingabe uNkulunkulu uyakukhathalela?”
Phaphama! August
Ngezimpelasonto, lapho kufaneleka, nakhu ongakusho lapho uhambisa i-Phaphama!: “Singathanda nokukunika omagazini bethu bakamuva. Le Phaphama! iphendula umbuzo othi, Abantu bangakwenza kanjani ukuthula?”