Kungani Kumelwe Sisheshe Siphume?

Lapho sihlangana ukuze siye enkonzweni yasensimini, sisuke sinabafowethu futhi kungokwemvelo ukufuna ukuxoxa. Nokho, uma umhlangano uphela, kufanele sizame ukusheshe siphume siye ensimini esiyisebenzayo. Umsebenzi wethu wokushumayela uyaphuthuma. (2 Thim. 4:2) Ukuchitha isikhathi esiningi sixoxa kuyosenza sibe nesikhathi esincane enkonzweni. Sizoba namathuba amaningi okujabulela ubudlelwane obakhayo nabafowethu njengoba sisebenza nabo enkonzweni. Ukuya ensimini ngaphandle kokulibala kubonisa ukukhuthala njengoba siyizigqila zikaJehova neNdodana yakhe.—Roma 12:11.