“Qhubekani Nicabanga Ngalezi Zinto”

Ziphi izinto? EyabaseFilipi 4:8 ithi sicabange ngezinto eziyiqiniso, ezibaluleke ngempela, ezilungileyo, ezihlanzekile, ezithandekayo, okukhulunywa kahle ngazo, ezinhle nezinto ezifanele ukudunyiswa. Lokhu akusho ukuthi umKristu kufanele acabange ngeBhayibheli ngaso sonke isikhathi. Noma kunjalo, izinto esizicabangayo kufanele zimjabulise uJehova. Akufanele sicabange ngezinto ezizokwenza kube nzima ukuthembeka kuye.—IHu 19:14.

Kungaba nzima ukugwema imicabango engcolile. Asilwi nenyama yethu enesono kuphela kodwa silwa nanoSathane, “unkulunkulu walesi simiso sezinto.” (2Ko 4:4) Ngenxa yokuthi ulawula imithombo yezindaba, izinto eziningi kuma-TV, emsakazweni, kuyi-internet nasezintweni ezibhalwe phansi zingcolile. Uma singazikhethi izinto esizifaka ezingqondweni zethu, imicabango yethu izokonakala bese senza izinto ezingalungile.—Jak 1:14, 15.

BUKELA IVIDIYO ETHI GWEMA IZINTO EZIPHAZAMISA UBUQOTHO—UKUZIJABULISA OKUNGAFANELE, BESE UPHENDULA LE MIBUZO ELANDELAYO:

• 

  Yini eyayibukwa umfowethu efonini yakhe futhi kwaba namuphi umphumela?

• 

  EyabaseGalathiya 6:7, 8 neHubo 119:37 kwamsiza kanjani?