UKUPHILA NJENGAMAKRISTU

Ukulungele Yini Ukuwa Kwezomnotho?

Akusimangazi ukubona izenzakalo zezwe zibangela ukuntengantenga kwesimo sezomnotho emhlabeni wonke. Kungani? Yingoba siphila ekupheleni kwezinsuku zokugcina futhi iBhayibheli liyasixwayisa ukuthi singathembeli “engcebweni engaqinisekile.” (1Ti 6:17; 2Ti 3:1) Isibonelo seNkosi uJehoshafati sisifundisani ngendlela yokulungela ukuwa kwezomnotho?

Lapho uJehoshafati esongelwa izizwe eziyizitha, wathembela kuJehova. (2Kr 20:9-12) Wathatha nezinyathelo ezifanele zokulungiselela isizwe impi ngokuvikela amadolobha nokubeka amabutho amasosha. (2Kr 17:1, 2, 12, 13) Nathi siyobe senza kahle uma sithembela kuJehova njengoJehoshafati nokuthatha izinyathelo ezingasisiza ukuze sibhekane nezimo ezinzima.

YINI ESINGAYENZA UKUZE SILUNGELE UKUWA KWEZOMNOTHO?

Qinisa ubuhlobo bakho noJehova: Funda ukwaneliseka futhi umethembe nakakhulu uJehova ukuthi uzozinakekela izidingo zakho zansuku zonke. (Mat 6:26; 1Ti 6:8) Zimisele ukungayeki ukusebenzisa izimiso zeBhayibheli ngoba nje ufuna ukuthola lezo zinto. (Rom 2:21) Hlela ukuthi uzozithola kanjani izinto ezizoqinisa ukholo lwakho, uma ugesi noma i-inthanethi kuphazamiseka. Hlale unezincwadi ezimbalwa ezinyathelisiwe ozikhethe kahle futhi uma kungenzeka dawuniloda nezinye kusenesikhathi.

Hlela izindleko zakho: Nciphisa izikweletu nezindleko ezingadingekile ngaphambi kokuba kube nezinkinga zomnotho. (IzA 22:7) Uma kungenzeka, gcina ukudla okwanele kanye nezinye izinto ongase uzidinge. Abanye bangase batshale futhi babe nengadi yemifino ukuze bonge imali.

BUKELANI IVIDIYO ETHI INGABE UKULUNGELE UKUBHEKANA NENHLEKELELE YEMVELO? BESE NIPHENDULA LE MIBUZO ELANDELAYO:

Isiqephu esivela kuvidiyo ethi “Ingabe Ukulungele Ukubhekana Nenhlekelele Yemvelo?” Kuvezwa izithombe ezincane ezibonisa iBhayibheli, i-go bag, ifoni nezisebenzi zokwakha.

Yini umuntu ngamunye angayenza ukuze alungele inhlekelele?

Impendulo yakho

Isiqephu esivela kuvidiyo ethi “Ingabe Ukulungele Ukubhekana Nenhlekelele Yemvelo?” Abazalwane basiza lapho kuvele khona inhlekelele ngokwakha nokwehlisa izinto zokwakha elolini.

Singakulungela kanjani ukusiza abanye?

Impendulo yakho