IDOMINICAN REPUBLIC
UJehova Uvule Izinhliziyo Zabaningi
ULeonardo Amor
UNYAKA AZALWA NGAWO 1943
UNYAKA ABHAPATHIZWA NGAWO 1961
UMLANDO WAKHE OMFUSHANE Wathola iqiniso esemusha futhi usekhonze uJehova isikhathi esigcwele iminyaka engaphezu kuka-50.
NGEMVA cishe kwenyanga uTrujillo ebulewe ngo-1961, ngabhapathizwa ngesikhathi ngiseyunivesithi ngifunda ezomthetho. Ubaba wayefuna ngibe ummeli kodwa mina ngabona ukuthi imfundo yaphezulu iphakeme. Ngakho, nakuba ubaba ayengicindezela, ngayeka eyunivesithi. Ngemva nje kwalokho, ngamiswa njengephayona elikhethekile.
Esinye sezabelo zami sasiseLa Vega, okuyindawo okwase kuyisikhathi eside ihlala amaKatolika. Ngesikhathi ngilapho, akekho owamukela amaqiniso. Lapho nginikeza izinkulumo zeningi, kwakuba khona umzalwane engangiphayona naye kuphela. Kodwa uJehova wangiqinisa ngesifundo somuntu siqu, ngokuya emihlanganweni emikhulu nangemithandazo esuka enhliziyweni. Ngathandaza ngabuza uJehova ukuthi liyoke libe khona kodwa ibandla la eLa Vega. Ngiyajabula ukusho ukuthi sekunamaHholo OMbuso angu-6, amabandla angu-14 nabamemezeli boMbuso abangaphezu kuka-800.
Ngo-1965 ngashada nomkami u-Ángela, kwathi ngo-1981 samenywa ukuba siyokhonza eBethel. Ngesikhathi ngibhapathizwa, kwakunabamemezeli abangu-681 kuphela kuleli. Manje sinabamemezeli abangaphezu kuka-36 000 futhi kuba khona izinkulungwane emihlanganweni yethu ehlukahlukene. Uma ngibheka emuva, kuyangimangaza ukubona indlela uJehova avule ngayo izinhliziyo zabaningi kangaka ukuba zamukele amaqiniso eBhayibheli.
IKomiti Yegatsha, kusukela kwesobunxele kuya kwesokudla: UReiner Thompson, uJuan Crispín, uThomas Dean, uLeonel Peguero, uLeonardo Amor noRichard Stoddard