Ingabe OFakazi BakaJehova Bayakwamukela Ukwelashwa Odokotela?

Yebo, oFakazi BakaJehova bayayamukela imithi kanye nokwelashwa odokotela. Nakuba sizama ukuyinakekela imizimba yethu futhi sizigcina sinempilo enhle, ngezinye izikhathi ‘sidinga udokotela.’ (Luka 5:31) Empeleni njengoLuka, umKristu wangekhulu lokuqala, oFakazi BakaJehova abathile nabo bangodokotela.—Kolose 4:14.

Nokho, ezinye izindlela zokwelapha ziyangqubuzana nezimiso zeBhayibheli futhi siyazenqaba. Ngokwesibonelo, asikwamukeli ukumpontshelwa igazi ngoba iBhayibheli liyakwenqabela ukudla igazi. (IzEnzo 15:20) Ngendlela efanayo, iBhayibheli limelene nezinqubo zokwelapha ezihlanganisa ukusetshenziswa kwemimoya.—Galathiya 5:19-21.

Nokho, izindlela eziningi zokwelapha azingqubuzani nezimiso zeBhayibheli. Ngakho umuntu uyozenzela isinqumo. Omunye uFakazi angase akhethe ukwamukela umuthi othile noma indlela ethile yokwelashwa, omunye akwenqabe.—Galathiya 6:5.