ISIFUNDO 15

Ukukhuluma Ngokuqiniseka

1 Thesalonika 1:5

OKUFANELE UKWENZE: Bonisa ukuthi uyakholelwa ukuthi indaba okhuluma ngayo iyiqiniso futhi ibalulekile.

Lungiselela kahle. Tadisha indaba ozokhuluma ngayo uze uqonde ukuthi iBhayibheli liyisekela kanjani leyo ndaba. Zama ukuchaza amaphuzu ayinhloko ngamagama ambalwa futhi alula. Gxila endleleni izilaleli zakho ezingazuza ngayo. Thandazela umoya ongcwele.

Njengoba uprakthiza, funda inkulumo yakho ngokuzwakalayo ukuze agxile amaphuzu engqondweni yakho. Lokho kuzokusiza ekuthuthukiseni indlela oyibeka ngayo.
Sebenzisa amagama abonisa ukuthi uyaqiniseka ngalokho okhuluma ngakho. Kunokuphinda amagama abhaliwe njengoba enjalo, beka indaba ngamazwi akho. Sebenzisa amagama abonisa ukuthi uyaqiniseka ngalokho okhuluma ngakho.
Veza imizwa yakho ngendlela eqotho nangokuzimisela. Khuluma ngezwi elizwakalayo. Buka izilaleli zakho emehlweni lapho ukhuluma nazo, uma lokho kwamukelekile kubantu okhuluma nabo.

Khumbula ukuthi ukukhuluma ngokuqiniseka akusho ukukhuluma ngokunganaki noma ukuphoqa abanye. Ngisho nalapho ukhuluma ngokuqiniseka, khuluma ngendlela ebonisa uthando nekhangayo ezilalelini zakho.