In Mono Itye Atera ka Imito Kony pa Ludaktar pi Oyot?
Gin mo ma mito kony pa ludaktar pi oyot twero timme atura. (Yak. 4:14) Pi meno, ngat maryek yubbe woko con. (Car. 22:3) In mono dong ityeko moko tammi i kom yo ki jami mene ma iye nyo ikwero ma kwako tic ki remo, kun icoyo mitini piny? Me konyi, kityeko yubo vidio me Transfusion-Alternative Health Care—Meeting Patient Needs and Rights, ki doki vidio me aryone, Transfusion-Alternatives—Documentary Series bene nonge. Wunen vidio man maber kun wuwoto ki lwodo kit me gamo lapeny ma kiketogi piny kany. Kit ma vidio man nyutu ka mogo ma kitye ka yango iye dano-ni, lunyodo omyero guti ki ryeko ka gitye ka nenone ki lutinogi matino. Ka ma vidio man pe iye, wunyam lok ma tye i “Lapeny ma A ki bot Jo ma Kwano Bukkewa” i Watchtower me Juni 15, 2004 ki me Oktoba 15, 2000, nyo karatac ma kiluto i Ticwa me Ker me Novemba 2006.
(1) Pingo ludaktar mukene gitye ka loko tamgi i lok me medo remo i kom dano? (2) Mi lapor adek mapat pat me yango mogo matego ma kityeko timone labongo medo remo. (3) Pingo ludaktar alip ki alip i lobo-ni gunyutu mitigi me tic i kom lutwo labongo medo remo i komgi? (4) Ngo ma kingiyo mot i odi yadi ci kinongo, i lok ma dok i kom tic ki remo? (5) Peko ango ma bino macalo adwogi me medo remo? (6) Tam ango ma ludaktar madongo gumoko ma dok i kom adwogi maber ma bino pi tic ki jami mogo ma konyo kom ma miyo giweyo medo remo i kom dano? (7) Gin ango ma weko remo doko nok i kom dano, dok ngo ma kiromo timone me konyo ngat ma remone nok? (8) Gin ango ma kiromo timone wek kom latwo omed tekone me yubo remo? (9) Diro ango ma kitye ka tic kwede wek remo pe oony mapol i kare me yango? (10) Jami ma obedo pii pii mono twero tic maber kadi wa i kom lutino matino nyo i kom jo ma nongo dong kwogi tye ka ma ding ma nongo gimito akonya oyot? (11) Gin me acel ma pire tek pi tic maber i kom lutwo obedo ngo?
Kit ma yero yo mogo ma kinyuto i vidio-ni lubo cwiny ngat acel acel, pe omyero wakur i kare ma wamito kony pa ludakta pi oyot ka dong wamok tamwa i kom yo moni. Dul 7 me “Mar pa Lubanga”, bukkewa mukene, kacel ki karatac ma kiluto i Ticwa Me Ker me Novemba 2006 bimiyo ngec ma romo konyi ki moko tammi. I nge meno, ka in dong inongo batija, ci ico nyo igwet ka ma iyero i kad-di me DPA, dok i wot ki kad-di kare ducu.
[Boro buk i pot karatac 3]
In mono dong ityeko moko tammi i kom yo ki jami mene ma iye nyo ikwero ma kwako tic ki remo, kun icoyo mitini piny?