Yo Acel me Tic ki Brocuwa me Bible’s Message

Dano mapol me wang ticwa, tutwalle jo me dini mapat ki pa Lukricitayo, pe gingeyo lok ma tye i Baibul. Dong ka wakwano ki jo ma kit meno buk me Baibul Pwonyo, lutit kwena mogo gitiyo bene ki brocuwa me Bible’s Message me konyo latin kwangi me niang maber wiye wiye me lok ma i Baibul. Me lapore omego acel tiyo ki pwony me 1 me brocuwa meno ka gitye ka nyamo dul me 3 me buk me Baibul Pwonyo. I ngeye, dong ginyamo pwony mukene-ni ki acel acel i nge kwangi ducu. In mono itye ka kwan ki ngat mo ma tye ki ngec manok keken, nyo peke ki ngec mo i kom Baibul? Me konyo en ki ngeyo ‘coc maleng ma yam gicoyo ma twero pwonye i yo me larre,’ tem cwako pwony ma i buk me Baibul Pwonyo ki lok ma i brocuwa me Bible’s Message.—2 Tem. 3:15.