GWOK MABER
In Mono Itye ka Tic ki Brocuwa Magi?
The Bible—What Is Its Message?
Kiyubo me konyo jo ma gitye ki ngec manok i kom Baibul, tutwalle jo ma gitye i dini mapat ki pa Lukricitayo
Kit me nyutune: “Wamito niang tammi i kom gin ma gitito i Ginacoya man (nyo i buk maleng man). [Kwan Jabuli 37:11, ma kiloko pire i pwony me 11.] In itamo ni lobo bibedo nining ka lok ma i ginacoya man ocobbe? [Mine kare wek ogam.] Man obedo lanen me gen ki kwe cwiny ma Baibul miyo bot dano me dini ki rok ducu.” Kwan paragraf ma tye malo i pot karatac 3, ci imi brocuwa.
Iromo temo yo man: Ka itye ka pwonyo dano ma tye i dini mapat ki pa Lakricitayo ki buk me Baibul Pwonyo, cwal dakika mo manok i agikki nyo acakki me kwanwu kare ducu wek wunyam pwony acel i brocuwa man me konye me niang wiye wiye ngo ma tye i Baibul.
A Book for All People
Kiyubo me konyo tutwalle jo mukwano ma gitye ki ngec manok i kom Baibul
Kit me nyutune: Kwan 2 Temceo 3:16, 17. Ci iwacci: “In tika iye lok, man ni cwiny maleng aye omiyo kicoyo Baibul? Nyo itamo ni Baibul obedo mere buk mo maber? [Mine kare wek ogam.] Dano mapol gitye ki tam mapat pat i kom lapeny meno, ento jo manok i kingi keken aye gungiyo Baibul pigi kengi. [Kwan gin mutimme i kwo ma kicoyo pire i te wi lok ma tye i pot karatac 3.] Brocuwa man mamwonya-ni tito tyen lok mumiyo dano me kabedo ki dini ducu omyero gunge lok ma tye i Baibul.”
Iromo temo yo man: Ka rwod ot oye me gamo brocuwa man wacci: “Tyen lok acel mumiyo dano tamo ni Baibul konye pe, aye pien dini mapol tito lok goba i kom Baibul ki gin ma Baibul pwonyo. Nino mukene, amito nyutu boti labol mo.” Ka idok cen, wunyam pwony ma tye i pot karatac 4-5.
Itwero Bedo Larem Lubanga!
Kiyubo me konyo tutwalle jo ma pe gingeyo kwan ki coc maber
Kit me nyutune: “In mono itamo ni watwero bedo lurem Lubanga? [Mine kare wek ogam. Ci ikwan Yakobo 2:23.] Brocuwa man kiyubo me konyowa me doko lurem Lubanga calo Abraim.”
Iromo temo yo man: Iromo nyutu kit ma wakwano kwede Baibul ki dano kun wunyamo kacel Pwony me 1, i tyen mukwongo me rwattewu nyo ka idok cen ka lim.
A Satisfying Life—How to Attain It
Kiyubo me konyo tutwalle jo ma giparo pi tic keken, nyo pe giparo pi dini
Kit me nyutune: “Pol pa dano i kareni gitute me nongo kwo maber ma kelo yengo. Wan ducu walimo peko ma kelo cwercwiny. Ka wapoto i peko, wayenyo tira ki bot lurem nyo wadi ma wageno, ki i bukke nyo ki i intanet. Mono magi gubedo yo maber me nongo tira? [Mine kare wek ogam.] Jo mukene gibedo ki ur me nongo tira ma tiyo maber i Baibul. Nen kong labol acel man. [Nyut bot rwod ot dul me 2 ci ikwan ginacoya acel ma kiketo kenyo.] Brocuwa man kiyubo me tito kit ma watwero nongo kwede kwo maber ma kelo yengo.”
Iromo temo yo man: Ka rwod ot oye me gamo brocuwa ci iwacci: “Pol pa dano guwinyo ni Baibul opong ki lok ma pe tye ada. Nino ma lacen, abinyutti labol acel ma nyutu ni Baibul rwatte ki lok me cayan dok man twero yomo cwinyi.” Ka idok ka lim wunyam paragraf 4 ma tye i pot karatac 12.
The Origin of Life—Five Questions Worth Asking
Kiyubo me konyo bulu ma Lukricitayo ma kipwonyogi i cukul ni kwo ocakke pire kene. Twero bene bedo me kony ka watye ka nywako lok ki jo ma giwacci kwo ocakke pire kene, ki jo ma gikalo akala nyo giwacci Lubanga pe. (Brocuwa man pe kiyubo me terone i ot ki ot.)
Kit me tic kwede ka watye ka lok ki jo ma giwacci kwo ocakke pire kene, nyo ni Lubanga peke: “Bukke me cayan ducu me kare ni pwonyo ni kwo ocakke pire kene. In mono iye ni pwony meno obedo tam atama kece lok me ada? [Mine kare wek ogam.] Me moko tam matir, myero wakwed tam aryo magi ducu. Brocuwa man tito kwed mogo mumiyo dano mapol dong giye ni Lubanga aye ocweyo jami ducu.”
Iromo temo yo man: Ka in latin kwan, wek brocuwa man ka maleng i wi meja-ni i kilaci ci inen ka tugo miti pa lutino kwan luwoti.
Real Faith—Your Key to a Happy Life
Kiyubo me konyo tutwalle Luicilam ma gibedo ka ma gitye agonya me kwano Baibul.
Kit me nyutune: Nyut cal ma tye i pot karatac 16-17 ci iwacci: “Cal man pat adada ki kwo ma waneno i wi lobo i kareni. In itamo ni lobo twero bedo kit man nino mo? [Mine kare wek ogam.] Nen kong cikke ma tye i Buk pa Lubanga. [Kwan ginacoya acel ma kiketo kenyo ki i Baibul-li.] Brocuwa man konyowa me bedo ki niye ni cikke magi ducu bicobbe kakare.”
Iromo temo yo man: I agikki me rwattewu tyen mukwongo, kwa rwod ot me yero lapeny acel ma tye i pok nge brocuwa man. Ci wumok nino ma ibidok cen iye ka gamo lapeny meno kun wutiyo ki brocuwa man.