Jo Mene ma Gitye ka Timo Miti pa Jehovah i Kare-ni?

1. Awene ma wabicako kwano brocuwa ma wi lokke tye ni, Jo Mene ma Gitye ka Timo Miti pa Jehovah i Kare-ni? dok wabinongo adwogi maber ki iye nining?

¹ Cakke i cabit me Oktoba 28, wabikwano brocuwa ma wi lokke tye ni, Jo Mene ma Gitye ka Timo Miti pa Jehovah i Kare-ni? i Cokke me Kwano Baibul. Brocuwa man ma okati nyen i Gure Madit me Distrik, ma wi lokke onongo tye ni “Gwok Cwinyi!” kiyubo me konyo lutino kwan me Baibul wek gunge dul pa Jehovah. Brocuwa man pe medo pwocwa i kom dul pa Jehovah keken, ento bene bikonyowa i ticwa me pwony.​—⁠Jab. 48:13.

2. Waromo tic ki brocuwa man i Cokke me Kwano Baibul nining?

² Kit ma Wabikwano Kwede Brocuwa Man: Ngat ma doro pwony man myero onen ni epoko cawa me pwony acel acel marom wek kinyam jami ducu ma iye. En myero ocak pwony 28 ducu ki penyo lapeny ma en aye wi lok me pwony acel acel. I ngeye en bikwayo lakwan paragraf me kwano paragraf mukwongo. I nge meno, ngat ma doro pwony man myero openy lwak ki lapeny ma en oyubo pi cako nyamo paragraf meno. I nge meno, bute ma cakke ki coc ma kikwoto myero kikwan dok kinyam ngec ma iye kene. Ka dong kityeko kwano bute, ngat ma doro pwony myero omi kare bot dano wek gumi lagamgi i kom lapeny me wi lokki. Brocuwa tye ki cal kacel ki labol ma watwero lok i komgi. Ginacoya ma pigi tego myero kikwangi ka cawa pud tye. Ma peya walokke i pwony mukene, ngat ma tye ka doro pwony kong myero openy lapeny me poyo wic ma kiketo piny i te coc. Ka pot karatac moni tye ki bok me “Nong Ngec Mukene,” en myero owek kikwan bok meno, ka dong openy tam pa lwak i kom kit ma latin kwan me Baibul binongo kwede adwogi maber ki i keto tam meno i tic. Ka kare pud tye i agikki me pwony moni, ngat ma tye ka doro pwony myero oti ki lapeny me wi lok me pwony calo lapeny me poyo wi lwak. Nge ni pe obedo calo cik ni ka watye ka kwano brocuwa man ki lutino kwanwa me Baibul myero wati ki yo ma kicimo-ni me kwanone.

3. Waromo nongo adwogi maber ki i kwano brocuwa man nining?

³ Me nongo ber pa brocuwa man, bin i cokke ma nongo iyubo maber. Tute me nywako i yub man kun miyo lagam-mi. Ka wutye ka nyamo lok, tam tyen lok mumiyo pwony man pire tek pi latin kwan me Baibul. Watye ki gen ni kwano brocuwa man kacel bimiyowa ngec ma mitte me konyo jo mukene me note kwedwa i timo miti pa Lubanga wek gin bene gubed ki gen me kwo pi nakanaka.​—⁠1 Jon 2:17.