Lub Kor Jo ma Gunyuto Miti Cutcut

Nicakke ma kiyubo odoco Kabedowa me Intanet, jo ma gitye ka penyo pi kwano Baibul ki i intanet tye ka medde. Medo i kom meno, yub mogo manyen me miyo caden i dye lwak oweko jo mapol gitye ka penyo pi kwano Baibul. Jang gang kal tiyo i kom miti meno cutcut. Me labolle, ka ngat mo openyo pi kwano Baibul ki i jw.org, luelda ma gitye i wang tic pa ngat meno ginongo ngec i kome ki i jang gang kal i nge nino aryo keken. Kono, ripot ma a ki i wang tic nyuto ni jo mukene ma gupenyo pi kwano Baibul pe kio botgi pi cabit mapol. Waromo neno ni kio bot jo magi oyotoyot ma mitigi pud pe okwe woko nining?​—Mar. 4:14, 15.

Ka ngat ma pe bedo i wang ticwu onyuto miti, pong fom me Please Follow Up (S-43) cutcut dok imi bot karan me kacokkewu i cokke mukwongo i nge rwattewu. Karan myero omi ngec meno bot kacokke mupore nyo ocwal bot jang gang kal i nge nino acel nyo aryo kun tiyo ki email pa kacokkewu ma i jw.org. Luelda myero gubed ka roto Kabedowa me Intanet kare ki kare. Ka gunongo ngec me limo ngat mo ma i wang ticgi ma onyuto miti, myero gulub kore cutcut. Latit kwena ma kipenyo me kwan ki ngat meno myero oter calo gin ma pire tek. Ka ngat meno peke gang, iromo coyo ngec mo manok i kom kit me nongo in, ci iwek i gange.