Kit me Tic ki Fom me Please Follow Up (S-43)

Fom man myero kipong ka inongo ngat ma onyuto miti ma pe bedo i wang ticwu, nyo ma loko leb mukene. Onongo yam watiyo ki fom man pi jo ducu ma giloko leb mukene, kadi bed gunyuto miti i lokwa nyo pe, ento dong watiyo ki fom man ka dano gunyutu miti keken. Bedo pat ka ce warwatte ki lading it. Ka warwatte ki lading it, kadi bed onyuto miti nyo pe, pore piwa me pongo fom me S-43.

Ngo ma myero watim i nge pongo fom man? Myero wami fom man bot karan me kacokke. Ka en ngeyo kacokke ma myero kicwal iye, en twero cwalone bot luelda me kacokke meno wek guket yub me dongo miti pa ngat-tu. Ka en pe ngeyo kacokke mupore, ci en bicwalo fom meno i jang gang kal.

Ka tye ngat ma loko leb mukene i wang ticwu ma onyutu miti, ci medde ki dongo mitine nio ka kinongo latit kwena mo ma loko leb meno ki i kacokke mukene me medde kwede.—nen Ticwa Me Ker me Novemba 2009, pot karatac 4.