Gin Manyen me Cako Lok

Cakke i Januari 2016 pok nge Wi Lubele ma kiyubo pi lwak bibedo ki pwony ma wi lokke tye ni “Ngo ma Baibul Waco?” Pwony manyen man kiyubo me konyowa pi cako lok ki dano i kom Baibul. Kiyubo ma rom aroma ki kit ma kiyubo kwede trakwa. Kiketo iye lapeny ma golo tam pa rwod ot, Ginacoya ma gamo lapeny meno, ki dong lok mukene ma pigi tego me myero kinyam.

Nyamo lok ma gudo cwiny ma jenge i Ginacoya pol kare twero weko dano cako kwano Baibul. Ti ki pwony manyen-ni me konyo jo mapol ma kec nekogi wek guyeng ki cam me cwiny.—Mat 5:6.

KIT ME TIC KI PWONY MAN:

1. Peny tam pa rwod ot i kom lapeny acel

2. Winy lagamme dok ipwoye pire

3. Kwan ginacoya ma tye i te wi lok ni “Gin ma Baibul Waco” ci ipeny tamme i kom tyeng meno. Ka en pud tye ki cawa, medde ki lok bote kun itiyo ki pwony ma wi lokke tye ni, “Gin Ango Mukene ma Wapwonyo ki i Baibul?”

4. Miye magajin

5. Wuyub awene ma ibidok iye ka gamo lapeny me aryo