Gin Ango ma Itwero Pwonyone ki i Wer ma Kati Kare ki Kare i JW Broadcasting?

Wer mene ma imaro loyo? Dok pingo? Tika inongo ni vidio me wer magi rwatte ki kwo me nino ducu? Wer magi loko i kom jami mapatpat dok kitgi bene patpat, pi meno, konyo dano ducu. Kadi bed kit meno, werwa magi pe tye me yweyo wic keken.

Wer magi ducu tye ki pwony ma watwero ketone i kwowa macalo Lukricitayo kacel ki i ticwa me pwony. Wer mogo loko i kom gwoko welo, note, lirem, tekcwiny, mar, nyo niye. Mukene loko i kom dwogo cen bot Jehovah, timo kica, gwoko gennewa nino ducu, ki dong keto yub i yo me cwiny. Acel i kingi bene loko i kom tic ki cim i yo mupore. Pwony ango mukene ma inongo ki i wer magi?

NEN VIDIO ME WER MA WIYE TYE NI DONG TYE COK, CI IGAM LAPENY MAGI:

• Mot ango ma wabinongo i anyim ma luot muteggi-ni gitye ka tam iye?​—Acak 12:3

• Watwero jingo niyewa nining i kom kero ma Jehovah tye kwede me cobo cikkene?

• Gin ango macok cok-ki bitimme ma biribowa ki jo muto?

• Bedo ki gen i kom Ker pa Lubanga konyowa me kanyo atematema i kare-ni nining?​—Rom 8:25