Blɔ Nya Tomi Kɛ Ha June 27 Otsi ɔ

OTSI NƐ JE SISI JUNE 27

La 123 Kɛ Sɔlemi

□ Asafo Baiblo Mi Nikasemi:

ol yi 9 kk. 1-14 (Hɛngm. 25)

□ Teokrase Sɔmɔmi Sukuu:

Baiblo kanemi: La 52-59 (Hɛngm. 10)

Teokrase Sɔmɔmi Sukuu ɔ Mi Nylɔmi (Hɛngm. 20)

□ Sɔmɔmi Kpe:

La 106

Hɛngm. 10: Adafi Fiami. “Be Enyɛmɛ He Akɔtaa E Sa Kaa Ma Bu?” Munyu tumi nɛ asafo mi nɔkɔtɔma ma tsu he ní. Ke o tu munyu ɔ ta a, ha nɛ a ngɔ fiɛɛmi munyu nɛ ngɛ bafa 4 ɔ kɛ pee bɔnɛ a ma plɛ kɛ je Baiblo mi nikasemi sisi ngɛ kekleekle Hɔ nɛ ngɛ July nyɔhiɔ ɔ mi ɔ nɔ ha a he peemi kɛ tsɔɔ. Moo wo nɔ tsuaa nɔ he wami konɛ e ngɔ e he kɛ wo mi.

Hɛngm. 10: Dla O He Nɛ O Ngɔ Womi Tɛtlɛɛ Ɔmɛ Kɛ Ha Ngɛ July Nyɔhiɔ ɔ Mi. Ní sɛɛmi. Moo ngɔ hɛngmɛfia kake loo enyɔ kɛ tsɔɔ munyu komɛ nɛ a ngɛ womi tɛtlɛɛ ɔmɛ a mi. Lɔɔ se ɔ, moo hla munyu ɔmɛ enyɔ loo etɛ nɛ o bi tue buli nɛ a tsɔɔ sane bimihi kɛ ngmamihi nɛ a ma kɛ tsu ní loko a maa ngɔ kɛ ha. Ha nɛ a pee bɔnɛ a kɛ womi ɔ eko tsuaa eko ma ha ha a he peemi kɛ tsɔɔ.

Hɛngm. 15: O Kɛ Ga Nɛ Tsu Ní Ke O Ngɛ Fiɛɛe. Ní sɛɛmi nɛ a kɛ da Ministry School womi ɔ bafa 197-199 nɔ. Ha nɛ a pee peemi kɛ tsɔɔ nɛ kɔɔ bɔnɛ fiɛɛlɔ ko kɛ ga tsu we ní benɛ e ngɛ sane ko nɛ nihi pɔɔ bimi kɛ tsiɔ ní sɛɛmi nya a heto hae ha a he. Lɔɔ se ɔ, ha nɛ a pee peemi kɛ tsɔɔ ekpa nɛ kɔɔ bɔnɛ fiɛɛlɔ ko kɛ ga tsu ní benɛ e ngɛ jamɛ a sane bimi ɔ nɔuu heto hae ha a he.

La 92 Kɛ Sɔlemi