“Be Enyɛmɛ He Akɔtaa E Sa Kaa Ma Bu?”

Anɛ o bi sane nɛ ɔ hyɛ lo? Wa ma nyɛ maa na enɛ ɔ he blɔ tsɔɔmi ngɛ Organized womi ɔ bafa 86-87. Be komɛ ɔ, wa nine suu blɔ tsɔɔmi kpahi a nɔ, nɛ eko ji nɔ́ nɛ je kpo ngɛ Sane Bimi He nɛ ngɛ September 2008 Wa Matsɛ Yemi Sɔmɔmi ɔ mi ɔ nɛ. Akɛnɛ e slo bɔnɛ si himi ɔ ngɛ ha ngɛ he tsuaa he heje ɔ, a wui wɔ mlaahi ngɛ sane nɛ ɔ he. Enɛ ɔ he ɔ, e sɛ nɛ asafo mi nikɔtɔmahi loo ni kpahi ngɔɔ blɔ tsɔɔmi kpahi kɛ piɛɛɔ he.

Ke nyɛ nui nɔ́ ko sisi kɛ kɔ sane nɛ ɔ he, nɛ asafo ɔ hu ngmɛ́ nɔ́ ko ngɛ he ɔ, fiɛɛlɔ tsuaa fiɛɛlɔ ma nyɛ ma bi e he ke: Anɛ i kɛ be nɛ i bu he akɔtaa a fiɛɛ lo? Aloo i kɛ jamɛ a be ɔ pee nɔ́ kpa ko nɛ kɔ we fiɛɛmi nítsumi ɔ he lo? E sɛ nɛ wa fiɛɛmi yami he akɔtaa nɛ wa buɔ daa nyɔhiɔ ɔ nɛ ha nɛ wa yi mi nɛ kojo wɔ, mohu ɔ e sa nɛ e ha nɛ wa ná bua jɔmi. (Níts. 23:1) Ngɛ anɔkuale mi ɔ, nɔ́ titli nɛ e sa kaa wa kɛ ma wa hɛ mi ji, nɛ wa maa ye bua nihi nɛ a nu anɔkuale ɔ sisi mohu pe be he akɔtaa nɛ wa maa bu.—Heb. 6:11.