Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower May 1

Kane Mateo 24:3. Lɔɔ se ɔ, de ke: “E peeɔ ni komɛ kaa sane bimi nɛ ɔ kɔɔ wa zugba a nyagbe he. Anɛ o susu kaa a ma kpata zugba a hɛ mi lo? [Ngmɛɛ blɔ nɛ e ha heto.] Yesu heto ɔ tsɔɔ wɔ nɔ́ nɛ e sa nɛ waa hyɛ blɔ—pi zugba a nyagbe, se nɔ́ kpa ko. Munyu nɛ ngɛ bafa 16 tsɔɔ sane nɛ ɔ nya.”

Awake! May

“Ni komɛ fiɛɛɔ kaa, ke wa pee Mawu suɔmi nya ní ɔ, e ma ha wa maa pee niatsɛmɛ. Se eko ɔ, o le nimli kpakpa komɛ nɛ a ji ohiatsɛmɛ. Anɛ o susu kaa Mawu suɔ nɛ waa pee niatsɛmɛ lo? [Ngmɛɛ blɔ nɛ e ha heto. Kane Hebribi 13:5.] Womi nɛ ɔ tsɔɔ blɔ nɔ nɛ Mawu guu kɛ jɔɔ wɔ.” Ngɔɔ munyu nɛ ngɛ bafa 12 kɛ tsɔɔ lɛ.

The Watchtower June 1

“Womihi nɛ nihi ngma kɛ kɔ bi lɛmi, suɔmi, kɛ níhi nɛ haa nɔ bua jɔmi he ɔ pɔhe mwɔnɛ ɔ. Anɛ mo nitsɛ o kane eko nɛ o na kaa a yeɔ bua nɔ lo? [Ngmɛɛ blɔ nɛ e ha heto.] Nihi fuu jeɔ a hɛ kɛ jee he nɛ wa ma ná ga womi kpakpa kɛ je ɔ nɔ. [Kane 2 Timoteo 3:16.] Womi nɛ ɔ tsɔɔ nɔ́ heje nɛ wa ma nyɛ maa ngɔ wa he kɛ fɔ Baiblo ɔ nɔ, nɛ e kɛ e mi ga womi komɛ nɛ se nami ngɛ he ha.”

Awake! June

“Ni komɛ tsɔɔ kaa tɔmi ko be hɔ puɛmi he, nɛ ni komɛ hu ke tɔmi ngɛ he. Anɛ o susu kaa Baiblo ɔ ma nyɛ maa ye bua nɔ ko nɛ e mwɔ e yi mi kpɔ ngɛ sane nɛ ɔ he lo? [Ngmɛɛ blɔ nɛ e ha heto. Kane 2 Timoteo 3:16, 17.] Womi nɛ ɔ tsɔɔ nɔ́ nɛ Baiblo ɔ deɔ ngɛ munyu nɛ ɔ he.”