Ke O Ngɛ Ma Se Gbi Womihi Hlae Mla

Be komɛ ɔ, waa kɛ nihi kpe ɔ, nɛ a suɔ kaa a maa kane wa womi ɔmɛ ngɛ ma se gbihi nɛ wa we asafo ɔ be eko ɔ a mi. Anɛ o le kaa ke o ngɛ Internet kɛ klama nɛ a kɛ fiaa womihi ɔ, o ma nyɛ maa fia womihi ngɛ gbi maa pee 400 mi lo? Blɔ nɔ nɛ o ma nyɛ maa gu kɛ pee jã ji nɛ ɔ nɛ:

• Mo bli kɛ ya wa Internet nítsumi he ɔ ngɛ www.watchtower.org.

• A ngma gbi slɔɔtoslɔɔtohi ngɛ hiɔ nɔ blɔ ngɛ Internet ɔ nɔ. Moo nyɛ je ɔ he foni nɛ ngɛ lejɛ ɔ nɔ, nɛ e maa tsɔɔ mo gbi slɔɔtoslɔɔto ɔmɛ.

• Moo nyɛ gbi nɛ o ngɛ hlae ɔ nɔ. O maa na womi kɛ dɛ womi slɔɔtohi nɛ o ma nyɛ maa fia. Akɛnɛ gbi nɛ o ngɛ hlae ɔ ji nɔ́ nɛ a ngma ngɛ he nɛ o bli ɔ heje ɔ, ke o nɛ munyuyi ɔmɛ ɔ, koo hao o he.

• Moo nyɛ nɔ́ saisaa nɛ a ngma ngɛ lejɛ ɔ eko nɔ. O maa na womi ɔ ngɛ computer a nɔ, ke o nyɛ nɔ́ nɛ a kɛ fiaa a nɔ ɔ, e maa fia ha mo.

Wa womi ɔmɛ bɔɔ ko pɛ lɛ ngɛ Internet ɔ nɔ; o nine ma nyɛ maa su womi kpahi a nɔ ngɛ o we asafo ɔ mi. Ke o na kaa nɔ ɔ bua jɔ munyu ɔ he ɔ, e maa hi wawɛɛ kaa o maa sɛ womihi ngɛ o we asafo ɔ mi kɛ ya ha lɛ.