Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ July nyɔhiɔ ɔ mi ɔ nɔ

“Nihi fuu tĩɔ munyu nɛ ji: ‘O matsɛ yemi ɔ nɛ ba, a pee nɔ́ nɛ o suɔ ngɛ zugba a nɔ kaa bɔnɛ a peeɔ ngɛ hiɔwe’ ɔ mi ke a ngɛ Nyɔmtsɛ ɔ Sɔlemi ɔ dee. Ngɛ o susumi nya a, mɛni ji jamɛ a Matsɛ Yemi ɔ? [Ngmɛɛ lɛ blɔ nɛ e ha heto.] Baiblo ngmami nɛ ɔ tsɔɔ wɔ nɔ́ nɛ jamɛ a Matsɛ Yemi ɔ ji.” Kane Daniel 2:44. Lɔɔ se ɔ, ha wetsɛ ɔ July 1 Watchtower a eko nɛ o kɛ lɛ nɛ kane munyu nɛ a ngma ngɛ munyuyi nyafii nɛ ngɛ bafa 16 sisi ɔ, nɛ nyɛ susu he. Moo ngɔ womi tɛtlɛɛ ɔmɛ kɛ ha lɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ heto ɔ he.

The Watchtower July 1

“Akɛnɛ wa wami be ɔ ngɛ kpiti nɛ waa kɛ haomihi kpeɔ heje ɔ, e peeɔ nihi fuu kaa wa be nyɛe ma ná bua jɔmi ngɛ si himi mi kɔkɔɔkɔ. Anɛ o susu jã hyɛ lo? [Ngmɛɛ lɛ blɔ nɛ e ha heto.] Baiblo ɔ wo si kaa si himi ɔ be kikɛ hie daa. [Kane Kpojemi 21:4.] Womi nɛ ɔ tsɔɔ Mawu yi mi tomi ngɛ zugba a he, nɛ e tsɔɔ ní komɛ nɛ wa ma nyɛ maa pee konɛ wa tsui nɛ nɔ wa mi ngɛ si himi mi amlɔ nɛ ɔ.”

Awake! July

Moo wo oslaa ko nɛ ba nɛ a bɔ he amaniɛ ɔ ta. Lɔɔ se ɔ, mo bi ke: “O susu kaa mɛni heje nɛ Mawu ngmɛ blɔ nɛ oslaa nɛ ɔ ba a? [Ngmɛɛ lɛ blɔ nɛ e ha heto.] Kaa bɔnɛ Baiblo ɔ tsɔɔ ɔ, Mawu mi mi sãa lɛ ngɛ nihi nɛ a naa nɔ́ ɔ a he. [Kane 2 Mose 3:7.] Jehanɛ se hu Baiblo ɔ de wɔ nɔ́ heje nɛ Mawu ngmɛ blɔ nɛ wa ngɛ nɔ́ nae, nɛ e tsɔɔ hu kaa e be kɛe nɛ Mawu maa po nɔ́ nami se kulaa kɛ ya neneene. A tsɔɔ munyu nɛ ɔ nya ngɛ womi tɛtlɛɛ nɛ ɔ mi.”