Fiɛɛmi Munyuhi
Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ July nyɔhiɔ ɔ mi ɔ nɔ
“E peeɔ mi kaa nihi tsuo nɛ a ngɛ kpɔ nɛ ɔ mi ɔ suɔ nɛ a maa hi si be kɛkɛɛ ngɛ bua jɔmi mi. Enɛ ɔ he ɔ, wa suɔ nɛ wa maa le o juɛmi ngɛ sane bimi nɛ ɔ he: Anɛ o susu kaa be ko maa su nɛ adebɔ he ní kasemi kɛ tsopa he nile ma ha nɛ waa hi si kɛ ya neneene lo? [Ngmɛɛ lɛ blɔ nɛ e ha heto.] Mo kadi nɔ́ nɛ wa maa kane ngɛ hiɔ ɔ.” Ngɔɔ munyu nɛ ngɛ July 1 Hwɔɔmi Mɔ ɔ se ɔ kɛ tsɔɔ lɛ, nɛ o kɛ lɛ nɛ susu kekle munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ konɛ nyɛ susu sane bimi nɛ nyɛɛ se ɔ he.
Kadi: E sa nɛ a pee peemi kɛ tsɔɔ nɛ ɔ ngɛ fiɛɛmi yami kpe nɛ a maa pee ngɛ July 6 nɔ ɔ.
Hwɔɔmi Mɔ July 1
“Nihi fuu nɛ waa kɛ mɛ sɛɛɔ ní ɔ ngɛ jami ko mi. Se ni komɛ deɔ kaa a he we jami ko yi. Kɛ o susu ngɛ jami he ha kɛɛ? [Ngmɛɛ lɛ blɔ nɛ e ha heto.] Yesu tsɔɔ wɔ nɔ́ nɛ maa ye bua wɔ konɛ waa le jami ko mi tso. [Kane Luka 6:44a.] A susu yiblii yaya komɛ nɛ jami wo ɔ he ngɛ womi tɛtlɛɛ nɛ ɔ mi. A ha sane bimi nɛ ji, Anɛ e sa kaa a he jami saisaa ye lo? ɔ hu heto ngɛ womi nɛ ɔ mi.”
Awake! July
“Wa ngɛ nihi nɛ a ngɛ wa kpɔ ɔ mi ɔ slaae nɛ waa kɛ mɛ ngɛ nɔ́ ko nɛ haoɔ nihi ɔ he susue nɛ ji, dami sane nɛ a yi. Nihi fuu teɔ si kɛ woɔ ma nɔ yeli bɔnɛ pee nɛ a ye dami sane ha mɛ. Anɛ o susu kaa nihi nɛ a teɔ si kɛ woɔ ma nɔ yeli kɛ tsakemi baa lo? [Ngmɛɛ lɛ blɔ nɛ e ha heto.] Mo kadi nɔ́ nɛ Baiblo ɔ de kaa e kɛ tsakemi nitsɛnitsɛ maa ba zugba a nɔ ɔ. [Kane Mateo 6:9, 10.] A ha sane bimi nɛ ji, Anɛ si nɛ a teɔ kɛ woɔ ma nɔ yeli kɛ tsakemi maa ba lo? ɔ heto ngɛ womi nɛ ɔ mi.”
Sane Kpakpa Nɛ Je Mawu Ngɔ!
“Wa ngɛ wekuhi ngɛ wa kpɔ ɔ mi ɔ slaae nɛ waa kɛ mɛ ngɛ he wami womi munyu ko ngɛ Baiblo ɔ mi ɔ he susue. Nihi fuu nɛ waa kɛ mɛ tu munyu ɔ bi kaa mɛni heje nɛ Mawu nɛ ngɛ suɔmi ɔ ngmɛ blɔ nɛ nɔ́ nami hiɛ babauu ngɛ je ɔ mi ɔ. Anɛ o susu kaa nɔ́ nami piɛɛ Mawu sisije yi mi tomi kɛ ha zugba a he lo?” Ngmɛɛ lɛ blɔ nɛ e ha heto. Lɔɔ se ɔ, mo bli kɛ ya Nikasemi 5 ɔ nɛ o kane kekle kuku enyɔ ɔmɛ kɛ ngmami ɔmɛ nɛ a kpɛ̃ mɛ ɔ nɛ nyɛɛ susu a he. O kɛ womiyo ɔ nɛ ha lɛ nɛ o to blɔ nya nɛ o kpale ya slaa lɛ konɛ o kɛ lɛ nɛ susu sane bimi nɛ a ngma lɛ agboagbo nɛ nyɛɛ se ɔ he.