Fiɛɛmi Munyuhi
Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ August nyɔhiɔ ɔ mi ɔ nɔ
“Nihi ngɛ jami slɔɔtoslɔɔtohi a mi nɛ a jaa Mawu ngɛ blɔ slɔɔtoslɔɔtohi a nɔ. Kɛ Mawu susuɔ ngɛ he ha kɛɛ? [Ngmɛɛ lɛ blɔ nɛ e ha heto.] Mo kadi nɔ́ nɛ Yesu tsɔɔ ngɛ sane nɛ ɔ he.” Ha lɛ August 1 Watchtower a kake nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 sisi ɔ he, nɛ ke e hí kulaa a, o kɛ lɛ nɛ kane ngmami nɛ a tsɛ se ɔ kake. Ha lɛ womi tɛtlɛɛ ɔmɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ e heto ɔ he.
The Watchtower August 1
“Anɛ e sa kaa a tsɔɔ jokuɛwi Mawu he ní be mi nɛ a wɛ kulaa a lo, aloo e sa nɛ a mlɛ nɛ ke a wa a, mɛ nitsɛmɛ nɛ a hla jami mi hemi kɛ yemi nɛ a suɔ? [Ngmɛɛ lɛ blɔ nɛ e ha heto.] Mo kadi nɔ́ nɛ Baiblo ɔ de tsɛmɛ kaa a pee. [Kane Efesobi 6:4.] Womi nɛ ɔ tsɔɔ blɔhi a nɔ nɛ fɔli ma nyɛ maa gu kɛ tsɔɔ a bimɛ Mawu he ní.”
Awake! August
“Ma suɔ nɛ ma le o juɛmi ngɛ ngmami nɛ ɔ he. [Kane 1 Samuel 16:23.] Enɛ ɔ tsɔɔ kaa la ngɛ he wami. Anɛ o susu kaa la komɛ ma nyɛ ma puɛ nihi a je mi bami lo? [Ngmɛɛ lɛ blɔ nɛ e ha heto.] Womi tɛtlɛɛ nɛ ɔ tsɔɔ bɔnɛ wa ma plɛ kɛ le la kpakpahi nɛ e sa kaa waa bu tue kɛ bɔnɛ wa ma plɛ kɛ ye bua wa bimɛ konɛ mɛ hu a pee jã.”