Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ August nyɔhiɔ ɔ mi ɔ nɔ

“Mwɔnɛ ɔ, nihi peeɔ Yesu he foni kaa loloolo ɔ, e ji bimwɔyo ko ngɛ lohwehi a niye ní daka mi, aloo nyumu ko nɛ a ka lɛ wo sɛumi tso nɔ kaa bɔnɛ e ji jeha akpe enyɔ ji nɛ ɔ. Se mɛni o susu kaa Yesu ngɛ pee amlɔ nɛ ɔ? [Ngmɛɛ lɛ blɔ nɛ e ha heto.] Mo kadi nɔ́ nɛ a de ngɛ hiɛ ɔ.” Ha wetsɛ ɔ August 1 Watchtower a eko, nɛ o kɛ lɛ tsuo nɛ susu munyu nɛ ngɛ kekleekle munyuyi nyafii ɔ sisi ɔ he ngɛ bafa 16 nɛ́ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower August 1

“Nihi babauu heɔ nyakpɛ níhi yeɔ. Ni komɛ hu a juɛmi peeɔ mɛ enyɔɔnyɔ ngɛ he. Anɛ o susu kaa nyakpɛ níhi baa niinɛ lo? [Ngmɛɛ lɛ blɔ nɛ e ha heto.] Nyakpɛ ní nɛ ɔ nɛ a wo he si kaa e maa ba hwɔɔ se ɔ ha nɛ nihi fuu ná hɛ kɛ nɔ fɔmi. [Kane ngmamihi nɛ a tsɛ se ngɛ bafa 9-10 a kpɛti kake.] A tsɔɔ susumihi etɛ nɛ dɛ nɛ pɔhe nɛ nihi hɛɛ ngɛ nyakpɛ níhi a he ngɛ womi tɛtlɛɛ nɛ ɔ mi.”

Awake! August

“Ligbi etɛ nɛ ɔ, nihi fuu yeɔ gbeye kaa mɛ pɛ a maa je kpo, titli ɔ, ke je jɔ. Anɛ o susu kaa a ma nyɛ maa pee nɔ́ ko kɛ gbɔ yiwutso ní peepeehi nɛ ngɛ nɔ yae ngɛ je ɔ mi ɔ nɔ lo? [Ngmɛɛ lɛ blɔ nɛ e ha heto.] Womi tɛtlɛɛ nɛ ɔ tsɔɔ ní komɛ nɛ wɔ tsuo wa ma nyɛ maa pee konɛ waa kɛ nihi nɛ hi si ngɛ tue mi jɔmi mi wawɛɛ. Jehanɛ se hu ɔ, e tsɔɔ bɔnɛ gbami nɛ ɔ nɛ woɔ nɔ he wami ɔ maa ba mi ha.” Kane La 72:7.