Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ October nyɔhiɔ ɔ mi ɔ nɔ

“Ngɛ be nɛ mi wa nɛ ɔ mi ɔ, wɔ tsuo waa kɛ haomihi kpeɔ nɛ enɛ ɔ saa wa wekuhi a he. Jije o susu kaa wa ma ná blɔ tsɔɔmi kpakpa nɛ e maa ye bua wɔ nɛ wa ma ná bua jɔmi ngɛ?” Ngmɛɛ lɛ blɔ nɛ e ha heto. Lɔɔ se ɔ, ha lɛ October 1 Watchtower a, nɛ o kɛ lɛ nɛ susu munyu nɛ ngɛ munyuyi nyafiihi nɛ ngɛ bafa 16 kɛ 17 ɔ kake sisi ɔ he, nɛ ke e hí kulaa a, o kɛ lɛ nɛ kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ a kpɛti kake he.

The Watchtower October 1

Moo ngɔ womi tɛtlɛɛ ɔ hɛ mi kɛ tsɔɔ lɛ nɛ o bi lɛ ke, “Ke o ba ná le kaa a tu Mawu he lakpa munyu kɛ tsɔɔ mo ɔ, kɛ o maa nu he kɛɛ? [Ngmɛɛ lɛ blɔ nɛ e ha heto.] Mo kadi bɔnɛ Yesu tsɔɔ kaa wa ma plɛ kɛ le slɔɔto nɛ ngɛ Mawu he anɔkuale tsɔɔmihi kɛ lakpa tsɔɔmihi a kpɛti ɔ ha. [Kane Yohane 17:17.] Enɛ ɔ he ɔ, Baiblo ɔ pɛ nɛ e tsɔɔ wɔ Mawu he anɔkuale tsɔɔmi. A susu lakpa munyuhi kakaaka enuɔ nɛ nihi tuɔ kɛ kɔɔ Mawu he nɛ Baiblo ɔ tsɔɔ kaa a be mi ɔ a he ngɛ womi tɛtlɛɛ nɛ ɔ mi.”

Awake! October

“Wa ngɛ wekuhi slaae mwɔnɛ ɔ. Mɛni ji haomi nɛ mi wa wawɛɛ nɛ fɔli kɛ ngɛ kpee mwɔnɛ ɔ ngɛ bimɛ a tsɔsemi mi? [Ngmɛɛ lɛ blɔ nɛ e ha heto.] Fɔli fuu ngɔɔ Baiblo ɔ mi ga womi kɛ tsuɔ ní. Kaa nɔ hyɛmi nɔ́ ɔ, munyu nɛ nile ngɛ mi nɛ ɔ yeɔ bua fɔli ke a ngɛ bimɛ tsɔsee. [Kane Efesobi 4:31.] Womi tɛtlɛɛ nɛ ɔ tsɔɔ bɔnɛ Baiblo mi ga womi ma nyɛ maa ye bua fɔli konɛ a tsɔse a bimɛ kɛ je a jokuɛ mi kɛ ya si a nihe kɛ a zangma mi.”