Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ October nyɔhiɔ ɔ mi ɔ nɔ

“Wa ngɛ nihi nɛ a ngɛ kpɔ nɛ ɔ mi ɔ slaae mwɔnɛ ɔ. Nihi nɛ waa kɛ mɛ sɛɛ ní ɔ a kpɛti nihi fuu tsɔɔ kaa a suɔlɔ ko gbenɔ ji nɔ́ nɛ hao mɛ wawɛɛ pe nɔ́ tsuaa nɔ́ ngɛ a si himi mi. Anɛ mo hu o nuɔ he jã lo? [Ngmɛɛ lɛ blɔ nɛ e ha heto.] Moo hyɛ munyu ko nɛ woɔ nɔ bua.” Moo ngɔ October 1 Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ, nɛ o to blɔ nya nɛ o kpale ya slaa lɛ konɛ nyɛ susu sane bimi nɛ nyɛɛ se ɔ he.

Hwɔɔmi Mɔ October 1

“Wa ngɛ nihi slaae konɛ waa wo mɛ he wami nɛ a kane Baiblo ɔ. Wa le kaa nihi ngɛ nɛ a bua jɔ Baiblo ɔ he; nɛ ni komɛ hu ngɛ nɛ a bua jɔɛ he. Mo hu nɛɛ? [Ngmɛɛ lɛ blɔ nɛ e ha heto.] I kpa mo pɛɛ nɛ o hyɛ nɔ́ nɛ Baiblo ɔ nitsɛ de. [Kane 1 Tesalonikabi 2:13.] I he ye kaa o kɛ mi ma kpa gbi kaa ke Baiblo ɔ ji womi nɛ je Mawu ngɔ niinɛ ɔ, lɛɛ e sa kaa waa kane. Womi tɛtlɛɛ nɛ ɔ haa nɛ wa naa nɔ́ nɛ Baiblo ɔ tsɔɔ, kɛ nɔ́ heje nɛ e sa kaa e he nɛ hia wɔ ɔ mi kpiti.”

Awake! October

“I suɔ nɛ ma le o juɛmi ngɛ sane bimi nɛ ɔ he: Ke wa be helo nya ní fuu ɔ, anɛ wa ma nyɛ ma ná bua jɔmi ngɛ si himi mi lo? [Ngmɛɛ lɛ blɔ nɛ e ha heto.] I kpa mo pɛɛ nɛ o kadi nɔ́ nɛ Baiblo ɔ de. [Kane 1 Timoteo 6:8.] Womi tɛtlɛɛ nɛ ɔ tsɔɔ bɔnɛ e sa kaa wa ná juɛmi nɛ da ngɛ helo nya níhi a he, kɛ níhi etɛ nɛ a he hia nɛ sika be nyɛe ma he ɔ mi.”