Fiɛɛmi Munyuhi

Nɛ a kɛ maa je Baiblo mi ní kasemi sisi ngɛ kekleekle Hɔ nɛ ngɛ October nyɔhiɔ ɔ mi ɔ nɔ

“Waa kɛ nihi ngɛ nɔ yemi kpakpa he susue. Anɛ o susu kaa nɔ yemi ko ngɛ nɛ e ma nyɛ ma je haomihi kɛ awi yemi kɛ nɔ sisimi kɛ je lo?” Ngmɛɛ lɛ blɔ nɛ e ha heto. Ha nɛ wetsɛ ɔ nɛ le kaa ngɛ Nyɔmtsɛ ɔ Sɔlemi ɔ mi ɔ, Yesu de e kaseli ɔmɛ ke a sɔle kɛ bi nɔ yemi ko kaa jã, nɛ ji Mawu Matsɛ Yemi ɔ. Moo ngɔ October 1 Blɛfo gbi Hwɔɔmi Mɔ ɔ se ɔ kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Hwɔɔmi Mɔ October 1

“Waa kɛ nihi ngɛ sɔlemi ko nɛ Yesu tsɔɔ e kaseli ɔmɛ nɛ nihi fuu le saminya a he susue kpiti. [Kane Mateo 6:9, 10.] Anɛ o le nɔ́ tutuutu nɛ Mawu Matsɛ Yemi ɔ ji, kɛ nɔ́ he je nɛ Yesu tu he munyu wawɛɛ ɔ lo? [Ngmɛɛ lɛ blɔ nɛ e ha heto.] Womi tɛtlɛɛ nɛ ɔ tsɔɔ bɔ nɛ Mawu Matsɛ Yemi ɔ ngɛ ha, kɛ ní kpakpahi nɛ e ma ba pee ngɛ zugba a nɔ.”

Awake! October

“Wa ba slaa mo konɛ wa susu sane bimi ko he kpiti. [Moo ngɔ Awake! ɔ hɛ mi kɛ tsɔɔ lɛ.] Anɛ o susu kaa ja nɔ ko ná ní babauu loko a ma nyɛ ma de ke e ye manye lo? [Ngmɛɛ lɛ blɔ nɛ e ha heto.] Baiblo ɔ tsɔɔ juɛmi nɛ da nɛ e sa nɛ wa ná ngɛ he lo nya níhi a he. [Kane Luka 12:15.] Baiblo ɔ tsɔɔ kaa nɔ tsuaa nɔ ma nyɛ maa ye manye. Womi tɛtlɛɛ nɛ ɔ tsɔɔ sane nɛ ɔ mi.”