Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ November nyɔhiɔ ɔ mi ɔ nɔ

“Anɛ o susu kaa nihi nɛ a bɔɔ mɔde kaa a maa bu Mawu tue ɔ ngɛ bua jɔmi wawɛɛ lo? [Ngmɛɛ lɛ blɔ nɛ e ha heto.] Womi nɛ ɔ tsɔɔ ní komɛ nɛ a he hia.” Ha wetsɛ ɔ November 1 Watchtower a, nɛ o kɛ lɛ nɛ susu munyu nɛ ngɛ munyuyi nyafiihi nɛ ngɛ bafa 16 kɛ 17 ɔ kake sisi ɔ he. Ke e hí kulaa a, o kɛ lɛ nɛ kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ a kpɛti kake he.

The Watchtower November 1

“Ni komɛ susuɔ kaa Baiblo ɔ mlaa nɛ kɔɔ bɔmi nami he ɔ ngɛ kpɛii tsɔ nɛ e be hu be. Ni komɛ hu kplɛɛ mlaa nɛ Baiblo ɔ wo kɛ kɔ bɔmi nami he ɔ nɔ. Kɛ moo lɛɛ o susu kɛɛ? [Ngmɛɛ lɛ blɔ nɛ e ha heto.] Mo kadi nɔ́ nɛ ngmami nɛ ɔ de kɛ kɔ Baiblo sisi tomi mlaa amɛ a he. [Kane 2 Timoteo 3:16.] Womi tɛtlɛɛ nɛ ɔ tsɔɔ bɔnɛ Baiblo ɔ ha sane nyɔngma komɛ nɛ nihi pɔɔ bimi kɛ kɔ bɔmi nami he ɔ a heto ha. E tsɔɔ bɔnɛ wa náa Baiblo sisi tomi mlaahi hu a he se ha.”

Awake! November

“Ke wa hyɛ je ɔ nɛ bɔle wɔ ɔ saminya a, anɛ o susu kaa Bɔlɔ ko ngɛ, aloo níhi nɛ ngɛ je ɔ mi ba ngɛ a dɛhe? [Ngmɛɛ lɛ blɔ nɛ e ha heto.] Benɛ Baiblo ngmalɔ ko hyɛ je ɔ nɛ bɔle wɔ ɔ, hyɛ nɔ́ nɛ e de. [Kane Romabi 1:20.] Womi tɛtlɛɛ nɛ ɔ tsɔɔ nɔ́ nɛ je mi si kpali kpa si nɛ a na ngɛ adesahi a wami yiblii ɔ he nɛ tsɔɔ kaa Bɔlɔ ko ngɛ niinɛ.”