Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ November nyɔhiɔ ɔ mi ɔ nɔ

“Wa ti nihi fuu suɔ nɔ yemi kpakpa. Mɛni nɔ yemi nɛ o susu kaa e ma nyɛ ma tsu adesahi a haomi ɔmɛ a he ní? [Ngmɛɛ blɔ nɛ e ha heto.] Mo kadi nɔ́ nɛ womi tɛtlɛɛ nɛ ɔ de.” Ha wetsɛ ɔ November 1 Watchtower a eko nɛ o kɛ lɛ tsuo nɛ susu munyu nɛ ngɛ kekleekle munyuyi nyafii nɛ ngɛ bafa 16 a sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower November 1

“Ma suɔ nɛ ma le o juɛmi ngɛ munyu nɛ ɔ he. Ke o ma nyɛ ma bi Mawu sane kake pɛ ɔ, jinɛ mɛni o ko bi lɛ? [Ngmɛɛ blɔ nɛ e ha heto.] Yesu tsɔɔ kaa e sa nɛ wa hla sane bimihi nɛ je wa tsui mi ɔmɛ a hetohi. [Kane Mateo 7:7.] Womi tɛtlɛɛ nɛ ɔ tsɔɔ bɔnɛ Baiblo ɔ ha sane bimihi etɛ nɛ a he hia nɛ ɔmɛ a heto ha.” Moo ngɔ sane bimihi nɛ ngɛ bafa 3 ɔ sisi blɔ ɔ kɛ tsɔɔ wetsɛ ɔ.

Awake! November

“Wa ngɛ wekuhi tsuo slaae mwɔnɛ ɔ. Fɔli nɛ a be he piɛɛli nɛ mɛ pɛ lɛ a ngɛ a bimɛ hyɛe ɔ pɔ he wawɛɛ. Anɛ o susu kaa a kɛ haomihi babauu ngɛ kpee pe fɔli nɛ a kɛ a he piɛɛli tsuo lɛ ngɛ a bimɛ hyɛe ɔ lo? [Ngmɛɛ blɔ nɛ e ha heto.] Fɔli fuu náa ga womi kpakpa kɛ jeɔ Baiblo ɔ mi. [Kane 2 Timoteo 3:16.] Womi nɛ ɔ kɛ ga womihi ha fɔli nɛ a be he piɛɛli nɛ mɛ pɛ lɛ a ngɛ a bimɛ hyɛe ɔ konɛ e ye bua mɛ nɛ a ye manye ngɛ a blɔ nya nítsumi nɛ he wa nɛ ɔ mi.”