Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ December nyɔhiɔ ɔ mi ɔ nɔ

“I he ye kaa o kɛ mi ma kpa gbi kaa nɔ tsuaa nɔ hia huɛ. Mɛni su lɛ o suɔ wawɛɛ kaa nɔ ko nɛ e ná loko o kɛ lɛ nɛ pee huɛ? [Ngmɛɛ lɛ blɔ nɛ e ha heto.] Moo hyɛ nɔ́ nɛ womi nɛ ɔ de kɛ kɔ nɔ́ heje nɛ e sa kaa waa hyɛ nihi nɛ waa kɛ mɛ maa bɔ huɛ saminya a he.” Ha lɛ December 1 Watchtower a, nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 sisi ɔ he. Ke e hí kulaa a, o kɛ lɛ nɛ kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ a kpɛti kake he.

The Watchtower December 1

“O susu kaa mɛni heje nɛ adebɔ mi oslaahi pɔhe wawɛɛ ligbi etɛ enɛ ɔ jã a? [Ngmɛɛ lɛ blɔ nɛ e ha heto.] Baiblo ɔ gba kɛ fɔ si kaa be maa ba nɛ oslaahi fuu maa ba. [Kane Mateo 24:7, 8.] Womi tɛtlɛɛ nɛ ɔ ha sane bimihi nɛ nyɛɛ se nɛ ɔ a heto: Mɛni heje nɛ adebɔ mi oslaahi fuu ngɛ bae mwɔnɛ ɔ? Anɛ e ji tue gblami nɛ je Mawu ngɔ lo? Mɛni ji yi mi tomihi a heje nɛ e sa kaa wa he ye kaa e be kɛe nɛ Mawu maa po adebɔ mi oslaahi a se.”

Awake! December

Moo kane 2 Timoteo 3:16. Lɔɔ se ɔ, mo de ke: “Ni komɛ kplɛɛ nɔ kaa Mawu lɛ ngma Baiblo ɔ, se ni komɛ hu kplɛɛ we nɔ jã. Kɛ moo lɛɛ o susu kɛɛ? [Ngmɛɛ lɛ blɔ nɛ e ha heto.] E ngɛ mi kaa nihi hɛɛ susumi ekpaekpahi ngɛ sane bimi nɛ ɔ he mohu lɛɛ, se nihi babauu kplɛɛ nɔ kaa womi ko be nɛ nihi ka kaa a maa gu kaa Baiblo ɔ. Womi tɛtlɛɛ nɛ ɔ tsɔɔ mɔde nɛ nihi bɔ konɛ a kɛ kpata Baiblo ɔ hɛ mi nɛ a jɔ nihi a kɔni mi nɛ a ko kane ngɛ jeha lafahi nɛ be ɔ mi. E tsɔɔ nɔ́ heje hu nɛ Baiblo ɔ ngɛ kɛ ba si mwɔnɛ ɔ.”