Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ December nyɔhiɔ ɔ mi ɔ nɔ

“Ke e su be nɛ ɔ ngɛ jeha a mi ɔ, nihi fuu susuɔ Yesu he. Ngɛ o susumi nya a, mɛni ji nɔ́ ngua nɛ Yesu pee? [Ngmɛɛ lɛ blɔ nɛ e ha heto.] Ha nɛ waa hyɛ munyu nɛ ngɛ womi nɛ ɔ bafa 16.” Ha wetsɛ ɔ December 1 Watchtower a eko, nɛ o kɛ lɛ nɛ susu munyu nɛ ngɛ munyuyi nyafii ɔmɛ a sisi ɔ a ti kake he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower December 1

“Nihi fuu tsɛɔ be nɛ ɔ ke Blonya be. Níhi nɛ nyɛɛ se nɛ ɔ mɛ a kpɛti te nɛɛ lɛ o susu kaa a he hia? [Moo ngɔ níhi nɛ a ngma ngɛ bafa 3 ɔ kɛ tsɔɔ lɛ nɛ o ngmɛ lɛ blɔ nɛ e ha heto. Mo bli kɛ ya munyuyi nɛ nyɛɛ se ɔ nɔ nɛ o kane Ngmami nɛ a ngɔ munyuyi ɔ kɛ da nɔ ɔ.] Womi tɛtlɛɛ nɛ ɔ tsɔɔ blɔ kpakpahi a nɔ nɛ wa maa gu kɛ kai Yesu ngɛ jeha a tsuo mi nɛ́ tsa pi Blonya be mi pɛ.”

Awake! December

“Nihi fuu ngɛ tsui yee nɛ a ngɛ haoe. Anɛ o yɔse kaa nihi a mi mi fuɔ mlamlaamla ligbi etɛ nɛ ɔ lo? [Ngmɛɛ lɛ blɔ nɛ e ha heto.] Ni komɛ he ye kaa wa ngɛ haomi be nɛ a gba kɛ fɔ si ngɛ 2 Timoteo 3:1 ɔ mi. [Kane] Womi tɛtlɛɛ nɛ ɔ tsɔɔ bɔnɛ ke nɔ ko tui e tsui si ɔ, e yeɔ lɛ awi ha, nɛ e tsɔɔ bɔnɛ wa maa pee kɛ ná tsui si tomi.”