Anɛ O Dla O He Kɛ Ha Hiɔ Ko Nɛ Maa Fia Mo Tlukaa lo?
Hiɔ ko ma nyɛ maa fia wɔ tlukaa nɛ wa be he okadi ko nae kɛ sɛ hlami. (Yak. 4:14) Enɛ ɔ heje ɔ, nɔmlɔ nɛ e le nɔ́ ɔ, dlaa e he kɛ toɔ. (Abɛ 22:3) Anɛ o mwɔ o yi mi kpɔ ngɛ hiɔ tsami kɛ hiɔ tsami blɔ nɔ tomihi nɛ o maa kplɛɛ nɔ ɔ he, nɛ o ngma kɛ fɔ si lo? A pee video nɛ e yi ji, Transfusion-Alternative Health Care—Meeting Patient Needs and Rights, kɛ sɛni enyɔne nɛ ngɛ DVD ɔ nɔ nɛ e yi ji, Transfusion-Alternatives—Documentary Series ɔ konɛ e ye bua mo. Ke o ngɛ hyɛe ɔ, moo hyɛ kaa o ma nyɛ ma ha sane bimihi nɛ nyɛɛ se nɛ ɔ a heto lo. Akɛnɛ nyɛ maa na he kpitikpiti komɛ nɛ a ngɛ nihi gbae ngɛ ngɛ video ɔ mi heje ɔ, e he hia kaa fɔli nɛ a ngɔ nile kɛ tsu ní ke a kɛ a bimɛ tsɔwi ngɛ video ɔ hyɛe.
(1) Mɛni heje tsopa peeli komɛ ngɛ muɔ nɛ a kɛ tsuɔ ní ngɛ hiɔ tsami mi ɔ he susue ekohu? (2) Moo tsɔɔ operation nguahi etɛ nɛ a pee nɛ a kɛ muɔ tsu we ní ngɛ mi. (3) Mɛni heje nɛ dɔkitahi akpehi abɔ ngɛ je kɛ wɛ suɔ kaa a ma tsa nihi nɛ a be mɛ muɔ hae ɔ? (4) Mɛni ji nɔ nɛ níhi a mi hlami nɛ a pee lingmi nɛ ɔ ngɛ hiɔ tsami he ɔ ha nɛ a na ngɛ muɔ nɛ a kɛ tsuɔ ní ɔ he? (5) Mɛni ji oslaa komɛ nɛ ngɛ muɔ nɛ a haa nɔ ɔ he? (6) Mɛni nɛ dɔkitahi fuu nɛ a he be ɔ de ngɛ se nami nɛ ngɛ tsopahi nɛ a kɛ daa muɔ nane mi ɔ he? (7) Mɛni haa nɛ nɔ muɔ nɔ gbɔɔ, nɛ ke nɔ ko muɔ nɔ gbɔ ɔ, mɛni a ma nyɛ maa pee kɛ ye bua lɛ? (8) Mɛni ji nɔ́ nɛ a ma nyɛ maa pee nɛ́ wami yiblii tsutsu ɔmɛ maa hiɛ ngɛ hiɔtsɛ ko nɔmlɔtso mi? (9) Mɛni ji blɔ nɔ tomihi nɛ a kɛ tsuɔ ní konɛ a kɛ tsi muɔ bemi fuu nya benɛ a ngɛ operation pee? (10) Anɛ tsopahi nɛ a kɛ daa muɔ nane mi ɔ hi ha jokuɛ tsɔwi loo nihi nɛ a hiɔ ɔ mi wa wawɛɛ lo? (11) Mɛni ji hiɔ tsami kpakpa he mlaahi nɛ he hia wawɛɛ ɔ a kpɛti kake?
Akɛnɛ nɔ tsuaa nɔ maa da e he nile nɛ Baiblo ɔ tsɔse ɔ nɔ kɛ mwɔ e yi mi kpɔ keji e maa kplɛɛ hiɔ tsami blɔ nɔ tomi ɔmɛ ekomɛ nɛ je kpo ngɛ video ɔ mi ɔ nɔ ɔ heje ɔ, koo mlɛ nɛ oslaa ko nɛ ba o nɔ loko o susu hiɔ tsami blɔ nɔ tomi nɛ o maa kplɛɛ nɔ loo o be nɔ kplɛɛe ɔ he. “Mawu Suɔmi” womi ɔ yi 7 ɔ kɛ womihi nɛ a tsɛ se ɔ, kɛ December 2006 Our Kingdom Ministry ɔ maa ye bua mo konɛ mo nitsɛ o da nɔ́ nɛ o kase ɔ nɔ kɛ mwɔ o yi mi kpɔ. Lɔɔ se ɔ, ke o ji nɔ nɛ a baptisi mo ɔ, moo ngma hiɔ tsami blɔ nɔ tomi nɛ o kplɛɛ nɔ ɔ ngɛ DPA womi ɔ nɔ, nɛ e hi o he be tsuaa be.
[Bua Jɔmi Munyu Nɛ A Ma Nɔ Mi ngɛ bafa 3]
Anɛ o mwɔ o yi mi kpɔ ngɛ hiɔ tsami kɛ hiɔ tsami blɔ nɔ tomihi nɛ o maa kplɛɛ nɔ ɔ he, nɛ o ngma kɛ fɔ si lo?