Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ January nyɔhiɔ ɔ mi ɔ nɔ

“Anɛ o susu kaa Mawu ngɛ blɔ nya tomi ko mwɔnɛ ɔ aloo e kɛ ni kakaakahi pɛ nɛ tsuɔ ní? [Ngmɛɛ lɛ blɔ nɛ e ha heto.] Mo kadi nɔ́ nɛ Mawu de kɛ kɔ nihi nɛ e to a he blɔ nya jeha babauu nɛ be ɔ a he nɛ o hyɛ.” Mo bli February 1 Watchtower a kɛ ya bafa 26, nɛ nyɛ susu munyu nɛ ngɛ kekleekle munyuyi nyafii ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower February 1

“Ligbi etɛ nɛ ɔ, nihi fuu tuɔ Harmagedon he munyu wawɛɛ. Anɛ o susu kaa nɔ́ ko ngɛ nɛ adesahi ma nyɛ maa pee kɛ tsi Harmagedon nya nɛ e ko ba lo? [Ngmɛɛ lɛ blɔ nɛ e ha heto.] A ngma munyungu nɛ ji Harmagedon ɔ ngɛ hiɛ ɔ. [Kane Kpojemi 16:16. Lɔɔ se ɔ, moo ngɔ womi tɛtlɛɛ ɔ se kɛ tsɔɔ lɛ.] Womi tɛtlɛɛ nɛ ɔ tsɔɔ bɔnɛ Baiblo ɔ ha sane bimi nɛ ɔmɛ a heto ha.”

Awake! February

“Mwɔnɛ ɔ, e ngɛ kaa nɔ́ nɛ nihi a bua jɔɔ nihi nɛ a kɛ mɛ sɛɛɔ ní ngɛ Internet ɔ nɔ ɔ he. Anɛ o susu kaa oslaa ngɛ nihi nɛ a kɛ mɛ sɛɛɔ ní ngɛ Internet ɔ nɔ ɔ he lo? [Ngmɛɛ lɛ blɔ nɛ e ha heto.] Sisi tomi mlaahi ngɛ Baiblo ɔ mi nɛ ma nyɛ maa bu wa he kɛ je oslaahi nɛ ngɛ Internet ɔ kɛ nítsumi he. [Mo bli kɛ ya bafa 6-9 ɔ, nɛ nyɛ susu sane bimi ɔ kake kɛ ngmami nɛ a tsɛ se ɔ he.] Womi tɛtlɛɛ nɛ ɔ maa ye bua mo konɛ o yɔse oslaahi nɛ ngɛ nihi nɛ a kɛ mɛ sɛɛɔ ní ngɛ Internet ɔ nɔ ɔ he, nɛ o yu o he ngɛ jamɛ a oslaa amɛ a he.”