Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ February nyɔhiɔ ɔ mi ɔ nɔ

“Nihi nɛ waa kɛ mɛ sɛɛ ní ɔ hɛɛ susumi ­ekpaekpa ngɛ Baiblo ɔ he. Ni komɛ he ye kaa Baiblo ɔ ji Mawu Munyu, nɛ ni komɛ hu susu kaa e ji womi ko kɛkɛ. Kɛ o naa Baiblo ɔ ha kɛɛ?” Ngmɛɛ lɛ blɔ nɛ e ha heto. Moo ngɔ February 1 Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu kekleekle kuku ɔ he, nɛ ke e hí kulaa a, o kane ngmamihi nɛ a tsɛ se ɔ kake. Ha lɛ womi tɛ­tlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Hwɔɔmi Mɔ February 1

“Nihi fuu suɔ nɛ ta se nɛ po. Anɛ o susu kaa tue mi jɔmi ma nyɛ maa ba je ɔ mi lo? [Ngmɛɛ lɛ blɔ nɛ e ha heto.] Ha nɛ waa hyɛ si nɛ Baiblo ɔ wo wɔ. [Kane La 46:9.] Níhi nɛ ya nɔ ngɛ kekleekle Je Mi Ta a mi, kɛ níhi nɛ ya nɔ ngɛ ta a se ɔ ha nɛ wa ná nɔ mi mami kaa, e be kɛe kulaa nɛ Mawu ma ha nɛ gbami nɛ ɔ maa ba mi, nɛ e maa po ta hwumi se kulaa. Womi tɛtlɛɛ nɛ ɔ tsɔɔ munyu nɛ ɔ mi.”

Awake! February

“Wa ba sla mo konɛ waa sɛɛ nɔ́ ko nɛ ngɛ nɔ tsuaa nɔ haoe ɔ he ní kpiti. E ngɛ kaa nɔ́ nɛ nɔ tsuaa nɔ be deka. Anɛ o susu kaa níhi fuu lɛ ngɛ nɛ wa maa pee, loo be fuu nɛ́ wa puɛɔ ɔ heje nɛ wa be deka a lo? [Ngmɛɛ lɛ blɔ nɛ e ha heto.] Nihi fuu li kaa Baiblo ɔ ha wɔ ga womi kpakpa nɛ maa ye bua wɔ konɛ waa to wa be he blɔ nya saminya. Nɔ hyɛmi nɔ́ kake ji nɛ ɔ nɛ. [Kane Filipibi 1:​10a, NW.] Womi tɛtlɛɛ nɛ ɔ tsɔɔ blɔ ­eywiɛ nɛ e ye bua nihi babauu nɛ a nyɛ nɛ a ngɔ a be kɛ tsu ní saminya.”