Fiɛɛmi Munyuhi

Nɛ A Kɛ Maa Je Baiblo Mi Nikasemi Sisi Ngɛ Kekleekle Hɔ Nɛ Ngɛ March Nyɔhiɔ ɔ Mi ɔ Nɔ

“Nihi fuu yeɔ Yesu fɔmi ligbi, se anɛ o susu kaa e he hia nɛ wa kai Yesu gbenɔ ɔ lo?” Ngmɛɛ lɛ blɔ nɛ e ha heto. Lɔɔ se ɔ, ha lɛ March 1 Watchtower a nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 a sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. Moo to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower March 1

“Sɔlemi slɔɔtoslɔɔtohi ngɛ, nɛ e slo a hemi kɛ yemi kɛ bɔnɛ a ti nɔ tsuaa nɔ peeɔ e ní ha. Anɛ o susu kaa nɔ tsuaa nɔ nɛ tsɛɔ e he ke Kristofono ɔ ji Kristofono nitsɛ lo? [Ngmɛɛ lɛ blɔ nɛ e ha heto.] Yesu tsɔɔ nɔ́ kake nɛ kadiɔ anɔkuale Kristofoli. [Kane Yohane 13:34, 35.] A susu munyuhi enuɔ nɛ Yesu tu nɛ maa ye bua wɔ kɛ le e we anɔkuale se nyɛɛli a mi tso ɔ he ngɛ womi tɛtlɛɛ nɛ ɔ mi.”

Awake! March

“Waa kɛ nihi nɛ a ngɛ wa kpɔ ɔ mi ɔ ngɛ nɔ́ ko nɛ e haoɔ nɔ wawɛɛ he susue. E ngɛ kaa nɔ́ nɛ mwɔnɛ ɔ, nihi a mi mi fuɔ mlamlaamla nɛ a tsui gbaa a nya. O susu kaa mɛni lɛ ha nɛ a peeɔ a ní jã? [Ngmɛɛ lɛ blɔ nɛ e ha heto.] Moo hyɛ nɔ́ nɛ Baiblo ɔ de ngɛ abofu he. [Kane La 37:8.] A tsɔɔ níhi nɛ haa nɛ nihi a mi mi fuɔ wawɛɛ mwɔnɛ ɔ, kɛ blɔhi a nɔ nɛ wa ma nyɛ maa gu kɛ nu wa tsui ɔ ngɛ womi tɛtlɛɛ nɛ ɔ mi.”