Fiɛɛmi Munyuhi

Nɛ a kɛ maa je Baiblo mi ní kasemi sisi ngɛ kekleekle Hɔ nɛ ngɛ June nyɔhiɔ ɔ mi ɔ nɔ

“Wa ba slaa mo nɛ waa kɛ mo nɛ susu sane bimi ko he kpiti.” [Ngɔɔ kekleekle sane bimi nɛ ngɛ June 1 Hwɔɔmi Mɔ ɔ se ɔ kɛ tsɔɔ lɛ.] Kɛ o susu kɛɛ? Ngmɛɛ lɛ blɔ nɛ e ha heto. O kɛ lɛ nɛ susu kekleekle sane bimi ɔ he, nɛ ke e hí kulaa a, o kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kɛ lɛ ya susu sane bimi nɛ nyɛɛ se ɔ he.

Hwɔɔmi Mɔ June 1

“Sigaleti numi gbeɔ nihi maa pee 6,000,000 daa jeha. Anɛ o susu kaa a ma nyɛ maa pee nɔ́ ko kɛ ba haomi nɛ ɔ nya si lo? [Ngmɛɛ lɛ bɔ nɛ e ha heto.] A kɛ nihi fuu susu Mawu juɛmi ngɛ sane ɔ he ɔ he, nɛ e ye bua mɛ nɛ a kpa sigaleti numi kulaa. Kaa nɔ hyɛmi nɔ́ ɔ, Ngmami nɛ ɔ ha nɛ a ti ni komɛ susu bɔ nɛ sigaleti numi yeɔ ni kpahi awi ha a he. [Kane 1 Korinto Bi 10:24.] A tsɔɔ bɔ nɛ ke nɔ ko kase Mawu juɛmi ngɛ sigaleti numi he ɔ, e maa ye bua lɛ nɛ e ma kpa numi ɔ ngɛ womi tɛtlɛɛ nɛ ɔ mi.”

Awake! June

“Huɛ bɔmi hehi ngɛ Intanɛti ɔ nɔ ɔ ha nɛ nihi ná nihi fuu nɛ a tsɛɛ mɛ ke a huɛmɛ. Ngɛ o juɛmi nya a, mɛni ji su nɛ he hia pe kulaa nɛ e sa kaa huɛ nitsɛ nɛ ná? [Ngmɛɛ lɛ blɔ nɛ e ha heto.] Hyɛ ga womi nɛ sa nɛ Baiblo ɔ kɛ ha ngɛ huɛ bɔmi he. [Kane Yakobo 1:19.] A tsɔɔ níhi eywiɛ komɛ nɛ maa ye bua wɔ konɛ waa pee nihi nɛ ní kpahi maa suɔ kaa a kɛ mɛ maa pee huɛ.”