Fiɛɛmi Munyuhi

Nɛ a kɛ maa je Baiblo mi ní kasemi sisi ngɛ kekleekle Hɔ nɛ ngɛ May nyɔhiɔ ɔ mi ɔ nɔ

“Wa ba slaa nyɛ kpiti konɛ wa susu sane bimi ko he. [Moo ngɔ kekle sane bimi nɛ ngɛ May 1 Hwɔɔmi Mɔ ɔ se ɔ kɛ tsɔɔ lɛ.] Kɛ o susu kɛɛ?” Ngmɛɛ lɛ blɔ nɛ e ha heto. O kɛ lɛ nɛ susu munyu nɛ ngɛ sane bimi ɔ sisi ɔ he nɛ ke e hi kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ konɛ nyɛ susu sane bimi nɛ nyɛɛ se ɔ he.

Hwɔɔmi Mɔ May 1

“Wa ba slaa mo nɛ wa susu munyu ko he kpiti ejakaa nihi fuu suɔ kaa a maa le nɔ́ nɛ maa ba hwɔɔ se. Ke o susu hwɔɔ se he ɔ, kɛ o nuɔ he ha kɛɛ? Anɛ o kɛ bua jɔmi hyɛɛ hwɔɔ se blɔ loo o haoɔ? [Ngmɛɛ lɛ blɔ nɛ e ha heto. Lɔ ɔ se ɔ, o kane ngmamihi nɛ ngɛ daka nɛ ji “Nɔ́ Nɛ Mawu De Ngɛ Hwɔɔ Se He” mi ɔ kake.] Womi tɛtlɛɛ nɛ ɔ tu ni komɛ nɛ Mawu de kaa a maa ba a he munyu, nɛ e tsɔɔ nɔ́ he je nɛ wa ma nyɛ ma ná nɔ mi mami kaa a maa ba a.”

Awake! May

“Wa ngɛ nihi slaae kpiti konɛ waa ye bua mɛ nɛ a tsu nyagbahi a he ní. Anɛ o na kaa nihi peeɔ yeyeeye wawɛɛ mwɔnɛ ɔ pe be ko nɛ be ɔ lo? [Ngmɛɛ lɛ blɔ nɛ e ha heto.] Nihi fuu na kaa ga womi nɛ sa nɛ ngɛ Baiblo ɔ mi ɔ ye bua mɛ nɛ a nyɛ tsu a nyagbahi a he ní. Nɔ hyɛmi nɔ́ kake ji nɛ ɔ nɛ. [Kane Mateo 6:34.] Womi tɛtlɛɛ nɛ ɔ tsɔɔ bɔ nɛ Baiblo sisi tomi mlaahi ma nyɛ maa ye bua wɔ konɛ wa tsu nihi eywiɛ komɛ nɛ haa nɛ wa peeɔ yeyeeye ɔ he ní ha.”

Kadi: Ní tsuli a bua maa jɔ munyu nɛ ɔ he wawɛɛ.